Global FirePower رەيتينگىندە 138 الەمدىك دەرجاۆالاردىڭ اسكەري الەۋەتى سارالانعان. رەيتينگ باعالاۋى بويىنشا قازاقستان بيىلعى جىلى 63 ورىندا تۇر. قازاقستان وتكەن جىلى رەيتينگتە 54 قاتاردا تۇرعان بولاتىن.
Global FirePower رەيتينگىندە امەريكا قۇراما شتاتتارى الەمدەگى ەڭ قۋاتتى اسكەري دەرجاۆالار كوشىن باستاپ تۇر. رەسەي مەن قىتاي جالعاستىرعان تىزىمدە ورتالىق ازيا ەلدەرى اراسىندا اسكەري قۋاتتىلىعى جاعىنان وزبەكستان 52 پوزيتسيانى ەنشىلەگەن.
رەيتينگتەگى ەلدەردىڭ قورعانىس كۇشىن انىقتاۋ ءۇشىن PowerIndex باعامى بويىنشا قارجىلاندىرۋدان باستاپ, ماتەريالدىق-تەحنيكالىق الەۋەتى جانە گەوگرافيالىق وزگەرمەلى جاعدايلارىن ەسكەرە وتىرىپ, 50-دەن استام جەكە فاكتورلار پايدالانىلعان. رەيتينگتىڭ ىشكى شاعىن فورمۋلاسى دامۋ دەڭگەيى ورتاشا ەلدەردى تەحنولوگيالىق جاعىنان دامىعان ءىرى مەملەكەتتەرمەن سالىستىرۋعا مۇمكىندىك بەرەدى. GFP رەيتينگىندە ەلدەردىڭ وندىرىستىك جانە لوگيستيكالىق مۇمكىندىكتەرى دە ەسكەرىلگەن. Global FirePower اقپاراتى بويىنشا قازاقستاننىڭ قورعانىس بيۋدجەتى 4 ملرد دوللاردى قۇراسا, اسكەر ساپىنداعىلاردىڭ سانى – 132 مىڭ. ال اۋە اسكەري كۇشتەرى مەن اۋە تەڭىز كۇشتەرى, اسكەري تەڭىز كۇشتەرىندە ۇشۋ اپپاراتتارىنىڭ جالپى سانى – 222. ونىڭ ىشىندە 76 جوياتىن, 39 شتۋرمدىق, 18 اسكەري-كولىك, 18 وقۋ-جاتتىعۋ ۇشاقتارى مەن 71 اسكەري, 18 سوققى بەرەتىن تىكۇشاقتار بار. قازاقستاننىڭ اسكەري اۋە كۇشتەرى مەن باسقا قۇرىلىمداردا قازىرگى كەزدە 15 اسكەري ءپاترۋلدى كەمەلەرى قولدانىستا.