اعىمداعى جىلدىڭ ءبىرىنشى توقسانىندا كسەll ابونەنتتىك بازاسى 283 مىڭ پايدالانۋشىعا قىسقاردى. 2019 جىلدىڭ باسىندا Kcell ابونەنتتەرىنىڭ سانى 10 ميلليون بولعان.
KASE سايتىندا جاريالانعان كومپانيانىڭ ەسەبىندە كومپانيانىڭ 7,992 ملن ابونەنتى بار ەكەندىگى ايتىلادى. ەسەپتە ابونەنتتىك بازانىڭ قىسقارۋى ساپالى كليەنتتەردى تارتۋ جانە كولەمگە نەگىزدەلگەن ديستريبۋتسيادان الشاقتاۋ ستراتەگياسىنىڭ اسەرى. «ARPU كورسەتكىشى 18,9 پايىزعا وسكەن. بۇل ابونەنتتىك قىزمەت ساپاسىنىڭ جاقسارۋىنا ىقپال ەتىپ, ولاردىڭ كوپشىلىگى كەڭەيتىلگەن كونتەنت ۇسىنىستارىن قابىلداۋدا», - دەپ اتاپ ءوتتى باسقارما توراعاسى, كسەll باس اتقارۋشى ديرەكتورى كاسپارس كۋكەليس.
كومپانيانىڭ تازا ساتۋ كولەمى 13,9 پايىزعا ارتىپ, 40,062 ملرد تەڭگەنى قۇراسا, قىزمەتتەردى ساتۋدان تۇسكەن تابىس 9,4 پايىزعا ءوسىپ, 34,6 ملرد تەڭگەگە ارتقان.
«قازاقستاننىڭ ءىرى قالالارىندا ەنگىزىلگەن كارانتين ءبىزدىڭ قىزمەتىمىزدىڭ دەڭگەيى مەن اۋقىمىنا ايتارلىقتاي اسەر ەتتى. الايدا جاعداي ءالى دە دامىپ كەلە جاتقانىن ەسكەرە وتىرىپ, پاندەميانىڭ Kcell قىزمەتىنە اسەرىن بولجاۋ مۇمكىن ەمەس. جىلدىڭ ءبىرىنشى توقسانىندا جينالعان دامۋ قارقىنىن ساقتاپ قالعانىمىزعا قاراماستان, اعىمداعى جىلدىڭ قالعان كەزەڭىندەگى ناتيجەلەر بەلگىسىز», – دەپ اتاپ ءوتتى كاسپارس كۋكەليس.