ءال-فارابي اتىنداعى قازۇۋ اسكەري كافەدراسى قازاقستان قارۋلى كۇشتەرىنىڭ قۇرمەتتى ارداگەرى, گەنەرال-مايور ۆلاديمير پەتروۆيچ بوندارەنكومەن ونلاين-كونفەرەنتسيا وتكىزدى. ءىس-شاراعا كافەدرا ستۋدەنتتەرى, وقۋ ۆزۆود كومانديرلەرى جانە وقىتۋشىلار قاتىستى.
گەنەرال ۆ.پ. بوندارەنكو تاۋەلسىز قازاقستاننىڭ قارۋلى كۇشتەرىنىڭ قۇرىلۋىنىڭ باستاۋىندا بولعان. ۇزاق ۋاقىت بويى ول قازاقستان رەسپۋبليكاسىنىڭ اۋە قورعانىسى كۇشتەرى باس قولباسشىسىنىڭ ورىنباسارى جانە كەڭەسشىسى, سونداي-اق تاربيە جۇمىسى بويىنشا بىرقاتار ەرەن وفيتسەرلەر توبىنىڭ تالىمگەرى بولدى, دەپ حابارلايدى kaznu.kz.
بەينەكونفەرەنتسيا بارىسىندا ەڭبەك سىڭىرگەن ارداگەر قازاقستاندىق ارميانىڭ قالىپتاسۋى, كومانديرلەردىڭ تاربيە جۇمىسىنىڭ ەرەكشەلىكتەرى جانە وقۋ-جاتتىعۋ دايىندىقتارىن ءساتتى ۇيىمداستىرۋ تۋرالى اڭگىمەلەدى. ونلاين-سۇحبات كەزىندە ستۋدەنتتەر قوناققا سۇراقتار قويدى. ولار اۋە قورعانىسى كۇشتەرىندەگى اسكەري قىزمەتتىڭ ەرەكشەلىكتەرى, وفيتسەرلەردىڭ بويىندا بولۋى كەرەك قاسيەتتەرمەن قاتار جەتىستىككە جەتۋلەرىنە مۇمكىندىك بەرەتىن ومىرلىك نۇسقاۋلارعا قىزىعۋشىلىق تانىتتى. ۆلاديمير پەتروۆيچ كۋرسانتتارعا ءوزىنىڭ جاۋىرگەرلىك ەڭبەگى, اسكەردەگى تاربيە جۇمىسى جانە وتان قورعاۋشىلار كۇنى مەن ءىى دۇنيەجۇزىلىك سوعىستاعى جەڭىس كۇنىنىڭ تاريحي ماڭىزى تۋرالى ايتىپ بەردى.
بەينەكونفەرەنتسيا مازمۇندى ءوتىپ, اسكەري كافەدرانىڭ ستۋدەنتتەرى ءۇشىن باتىلدىق ساباعىنىڭ باستاۋىنا اينالدى.