«اباي شىعارماشىلىعىنداعى جالپىادامزاتتىق قۇندىلىقتار» تاقىرىبىندا اقىن اباي قۇنانباي ۇلىنىڭ 175 جىلدىعىنا ارنالعان رەسپۋبليكالىق ۆەبيناردى س.امانجولوۆ اتىنداعى شقمۋ «ابايتانۋ» عىلىمي-زەرتتەۋ ينستيتۋتى ۇيىمداستىردى.
رەسپۋبليكانىڭ تۇكپىر-تۇكپىرىنەن 50-گە تارتا تىڭداۋشى قاتىسقان ۆەبيناردى قازاقستان رەسپۋبليكاسى پەداگوگيكالىق عىلىمدار اكەدەمياسىنىڭ اكادەميگى, س.امانجولوۆ اتىنداعى شقمۋ رەكتورى مۇحتار تولەگەن اشسا, اباي اتىنداعى قازۇپۋ «حاكىم اباي» عىلىمي-زەرتتەۋ ورتالىعىنىڭ ديرەكتورى جابال شويىنبەت «ھاكىم اباي دانالىعى» تاقىرىبىندا بايانداما جاسادى. بەلگىلى ابايتانۋشى عالىم اباي شىعارماشىلىعىنداعى «تولىق ادام» ۇعىمىنا جان-جاقتى توقتالدى.
كەلەسى كەزەكتە ءسوز العان اباي اتىنداعى قازۇپۋ اكادەميك س. قيراباەۆ اتىنداعى قازاق ءتىلى مەن ادەبيەتى كافەدراسىنىڭ قاۋىمداستىرىلعان پروفەسسورى مارات بەكبوسىنوۆ «ابايدىڭ وتىز سەگىزىنشى قارا ءسوزى حاقىندا» تۇشىمدى پىكىرلەرى مەن تولعامدارىن ورتاعا سالدى.
ۆەبيناردىڭ كەلەسى بايانداماشىسى م.اۋەزوۆ اتىنداعى وقمۋ «ابايتانۋ» وقۋ-عىلىمي ورتالىعىنىڭ اعا عىلىمي قىزمەتكەرى ءالىپحان ماقسات «اباي ءابسوليۋتتى اقيقاتتار تۋرالى» تاقىرىبىندا بايانداما جاساپ, ۇلى دانامىزدىڭ ويلارىن اريستوتەل, كونفۋتسي, ءال-فارابي پايىمدارىمەن ساباقتاستىرا وتىرىپ, ۆەبينار قاتىسۋشىلارىنا قىزىقتى اقپاراتتار ۇسىندى.