كەشە, 29 ساۋىردە تاجىكستان پارلامەنتىنىڭ تومەنگى پالاتاسى «ازاماتتىق حال اكتىلەرىن مەملەكەتتىك تىركەۋ تۋرالى» زاڭعا تۇزەتۋلەر قابىلدادى. ولار جاڭا تۋعان نارەستەلەردىڭ اتتارىن تىركەۋ كەزىندە تاجىك تەگى مەن اكەسىنىڭ اتىن «ورىسشا اۋدارۋعا» تىيىم سالادى. بۇل تۋرالى بۇگىن «ورتالىق ازيا» پورتالى حابارلادى.
تاجىكستاننىڭ ادىلەت ءمينيسترى مۋزاففار اشۋريەن ۇكىمەتتىڭ سوڭعى جىلدارى تاجىكستانداعى «ۇلتتىق ەسىمدەردى جانداندىرۋ» ساياساتىنا ەنگىزىلگەن تۇزەتۋلەرىن ءتۇسىندىردى. سلاۆيان جۇرناقتارىنىڭ ورنىنا زاڭ جاڭا تۋىلعان بالالاردىڭ اتىنا تاجىك «-pur» (ەر بالالار ءۇشىن) جانە «-duht» (ايەلدەر بالالارى ءۇشىن) جۇرناقتارىن قوسۋعا رۇقسات بەرەدى.
«سلاۆيان تەكتەس ۇلتتارجىڭ اتى-جوندەرىنە جالعاناتىن جۇرناقتارىن پايدالانۋعا تاجىكستاندا تۇراتىن ۇلتتىق ازشىلىقتار, ەڭ الدىمەن ورىس تىلدىلەر ءۇشىن عانا ەرەكشەلىك جاسالادى. ولار وزدەرى جاڭا تۋعان بالالارىن تىركەگەن كەزدە تەگى مەن اكەسىنىڭ اتىن قولداناتىن جۇرناقتاردى وزدەرى تاڭداي الادى» دەپ ءتۇسىندىردى مينيستر.
سونىمەن قاتار, ءمينيستردىڭ ايتۋىنشا, تۇزەتۋلەر تەك زاڭ قابىلدانعاننان كەيىن تۋىلاتىن بالالارعا قاتىستى. سوندىقتان, تەگى مەن اكەسىنىڭ اتىن «ورىسشا» قويعان تاجىكستان تۇرعىندارىنا قۇجاتتاردى قايتا راسىمدەۋدى ءوز ەرىكتەرىنە قالدىردى. باسقاشا ايتقاندا – مىندەتتەلمەيدى.
2007 جىلدان باستاپ ەلدەگى كوپتەگەن جوعارى لاۋازىمدى شەنەۋنىكتەر ءوز اتتارىنداعى ورىس جۇرناقتارىنان باس تارتتى.