قىزىلوردا قالاسىندا مەكتەپ وقۋشىلارى وبلىستىق ىشكى ىستەر دەپارتامەنتى يۋۆەنالدى پوليتسيا بولىمشەسىنىڭ ۇيىمداستىرۋىمەن زك-169/1 ۋاقىتشا ۇستاۋ اباقتىسىنا ەكسكۋرسيادا بولىپ قايتتى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
«بۇل شارانى ۇيىمداستىرۋداعى نەگىزگى ماقسات, جاستار مەن جاسوسپىرىمدەردىڭ اراسىنداعى قۇقىق بۇزۋشىلىقتاردىڭ الدىن الۋ بولىپ تابىلادى» دەيدى يۋۆەنالدى پوليتسيا بولىمشەسىنىڭ باستىعى ماناربەك ەسجانوۆ. ونىڭ ايتۋىنشا, وسىنداي پروفيلاكتيكالىق ءىس-شارالاردىڭ ناتيجەسىندە اعىمداعى جىلى كامەلەتتىك جاسقا تولماعاندار اراسىنداعى قىلمىستار ءبىرشاما ازايعان. بۇگىنگى وتكىزىلىپ شارادا بالالار قىلمىسكەرلەر ۇستالاتىن اباقتىنى كورگەندە قىلمىس جاساۋدىڭ جات قىلىق ەكەنىن ۇعىناتىن بولادى, دەيدى ماماندار.
«ناقتى مالىمەتتەرگە سۇيەنەر بولساق, 2013 جىلدىڭ 8 ايىندا كامەلەتكە تولماعاندارمەن جاسالعان قىلمىستار -2,9 پايىزعا (102-دەن 99-عا) ازايعان. قىلمىسقا قاتىسقان كامەلەتتىك جاسقا تولماعانداردىڭ اراسىندا وقۋشىلار سانى -48,6 پايىزعا (107-دەن 55-كە) تومەندەدى», - دەلىنگەن حابارلامادا.
ەسەپتى مەرزىمدە ىشكى ىستەر ورگاندارىنا قۇقىق بۇزعان 2601 ءجاسوسپىرىم جەتكىزىلىپ, ولاردىڭ 191-ءى قاڭعىباستىقپەن اينالىسقانى ءۇشىن كامەلەتكە تولماعانداردى بەيىمدەۋ ورتالىعىنا جاتقىزىلسا, 29-ى الكوگول ىشىمدىگىن ءىشىپ, قوعامدىق ورىنداردا جۇرگەنى ءۇشىن ۇستالدى. وبلىس كولەمىندە كامەلەتكە تولماعاندارمەن جاسالاتىن قۇقىق بۇزۋشىلىقتىڭ الدىن الۋدا مۇددەلى ورگاندارمەن بىرلەسە وتىرىپ «ءجاسوسپىرىم», «تۇنگى قالاداعى بالالار», «جازعى دەمالىس» اتتى جەدەل-پروفيلاكتيكالىق ءىس-شارالار وتكىزىلدى.
ءىس-شارالار بارىسىندا پروكۋراتۋرا, ءبىلىم, بالالاردىڭ قۇقىعىن قورعاۋ باسقارمالارمەن جانە نۇر وتان جاستار قاناتى وكىلدەرىمەن بىرلەسىپ, ويىن-ساۋىق ورىندارىندا جانە ماگازيندەرگە رەيدتەر ۇيىمداستىرىلدى.
ناتيجەسىندە كامەلەتكە تولماعانداردىڭ تۇنگى ۋاقىتتا ويىن-ساۋىق مەكەمەلەرىندە بولۋىنا جول بەرگەن 34 كاسىپكەرگە كامەلەتتىك جاسقا تولماعاندارعا تەمەكى ساتقان 32 ساتۋشىعا, الكوگول ونىمدەرىن ساتقان 33 ساتۋشىعا اكىمشىلىك شارالار كورىلدى.
قازىرگى تاڭدا وبلىس كولەمىندە ىشكى ىستەر ورگاندارىندا 347 كامەلەتكە تولماعان, 301 قولايسىز وتباسى ەسەپتە تۇرادى. ولاردى ۇنەمى تۇرعىلىقتى مەكەن-جايلارىنان تەكسەرىلىپ, پروفيلاكتيكالىق اڭگىمەلەر جۇرگىزىلۋدە.
قۇرىش نۇرىمبەت.