كوشەدە جەرگە تاستالعان پايدالانىلعان ماسكالار ۇزاق ۋاقىت بويى ءارتۇرلى اۋرۋلاردى, سونىڭ ىشىندە كوروناۆيرۋستى تاراتۋى مۇمكىن.
«كوروناۆيرۋس ينفەكتسياسى نەگىزىنەن اۋا-تامشىلى جولمەن جۇعادى. ماسەلەن, ماسكا كيىپ, اۋىرىپ جۇرگەن ادام جوتەلەدى, تۇشكىرەدى, سودان كەيىن كوشەدە قورعانىش قۇرالىن تاستاي سالادى دەيىك. وندا جينالعان ۆيرۋس ءوزىنىڭ قاۋىپتىلىگىن بەلگىلى-ءبىر ۋاقىت بويى ساقتاپ تۇرادى, وسىلايشا باسقا ادامعا جۇعۋى مۇمكىن», — دەپ ءتۇسىندىردى ۆيرۋسولوگ ا. بوگوياۆلەنسكي.ساراپشىنىڭ ايتۋىنشا, ماسكادا ۆيرۋس 30 ساعاتتان استام ۋاقىت ساقتالادى.ۆيرۋسولوگتار حالىقتى ازاماتتىق بەلسەندىلىك تانىتىپ, پايدالانىلعان جەكە قورعانۋ قۇرالىن (جقق) قاۋىپسىز تۇردە جويۋعا شاقىرادى, ويتكەنى كوشەدە جاتقان كەز كەلگەن نىسان ىقتيمال قاۋىپتى بولىپ سانالادى. پايدالانىلعان جقق-نى الدىمەن پوليەتيلەن پاكەتكە سالىپ, قوقىس تاستاۋعا ارنايى بولىنگەن ورىندارعا لاقتىرۋ قاجەت.دالادا ماسكانى لاقتىرعان ادام «قالالار مەن ەلدى مەكەندەردىڭ اۋماقتارىن اباتتاندىرۋ ەرەجەلەرىن, سونداي-اق ينفراقۇرىلىم وبەكتىلەرىن, قالا مەن ەلدى مەكەندەردىڭ جاسىل جەلەكتەرىن جويۋ جانە زاقىمداۋ» تۋرالى ەرەجەلەردى بۇزادى, بۇل جاعدايدا اكىمشىلىك جاۋاپكەرشىلىككە تارتىلادى جانە 20 اەك (55 560 تەڭگە) كولەمىندە ايىپپۇل سالىنادى.