وڭىردە ۇلى جەڭىستىڭ 75 جىلدىعىنا وراي ۇوس قاتىسقان ارداگەرلەر مەن تىل مايدانىندا ەڭبەك ەتكەن ارداگەرلەردى ۇلىقتاۋ شارالارى ءجۇرىپ جاتىر, دەپ حابارلادى ماڭعىستاۋ وبلىسى اكىمىنىڭ ءباسپاسوز قىزمەتى. قازىرگى تاڭدا وبلىسىمىزدا ۇلى وتان سوعىسىنا قاتىسقان 11 ارداگەر جانە 900 تىل ارداگەرى بار.
مەرەكە قارساڭىندا وبلىس اكىمدىگىنىڭ قولداۋىمەن بارلىق ارداگەرلەرگە اقشالاي ماتەريالدىق قومەك ەسەپ شوتتارىنا اۋدارىلدى. ونىڭ ىشىندە 11 سوعىس ارداگەرىنىڭ ارقايسىسىنا 1 ميلليون تەڭگەدەن ەسەپ شوتتارىنا ءتۇستى. سونداي-اق ۇوس مۇگەدەكتەرىنە - 1 ملن تەڭگەدەن, تىل ەڭبەككەرلەرىنە - 40 اەك - تەن; ۇوس مۇگەدەكتەرىنە تەڭەستىرىلگەندەرگە - 60 اەك جانە باسقا دا ساناتتاعى اسكەريلەرگە قوسىمشا قاراجات بەرىلدى.
بۇدان بولەك, ارداگەرلەردىڭ تۋعان كۇندەرى دە ەسكەرۋسىز قالىپ جاتقان جوق. وبلىستىق ارداگەرلەر كەڭەسىنىڭ توراعاسى سەرىكباي تولەتوۆ تاۋشىق اۋىلىندا تۇراتىن ارداگەر مامبەتوۆ ىبرايكوم جانە اقتاۋ قالاسىنىڭ تۇرعىنى ارداگەر سۋحونوس ستانيسلاۆ ءتروفيموۆيچتى وبلىس اكىمى سەرىكباي ترۇموۆتىڭ اتىنان ارنايى قۇتتىقتاپ, العىس حاتتارىن تابىستادى.