سولتۇستىك قازاقستاندىق قوعامدىق ۇيىمدار ەرەكشە رەجىمدە ەڭبەك ەتىپ جاتقان پوليتسەيلەر مەن مەديتسينالىق قىزمەتكەرلەرگە قولدان كەلگەن كومەكتەرىن كورسەتۋدە.
ولار بلوك بەكەتتەردە جامان ىندەتتى قالا مەن ەلدى مەكەندەرگە ەنگىزۋى مۇمكىن جولاۋشىلاردى قاتاڭ تەكسەرىستەن وتكىزىپ, كۇندىز-ءتۇنى كەزەكشىلىكتە تۇرعاندارعا انتيسەپتيك, بەتپەردە, ءبىر رەتتىك ساقتاندىرۋ كوستيۋمدەرىن, ءتىپتى ءدامدى تاعامدار مەن كوكونىستەر دە جەتكىزىپ بەرۋدە.
«قازىرگى ۋاقىتتا بىزدە بارلىق قورعانىس قۇرالدارى بار. الايدا, جاعدايعا بەي-جاي قارامايتىن قالا تۇرعىندارىنىڭ قايىرىمدىلىعىنا ريزاشىلىعىمىزدى بىلدىرەمىز», - دەپ اتاپ ءوتتى پەتروپاۆل قالاسى پب پاترۋلدىك پوليتسيا باتالونى كومانديرىنىڭ مىندەتىن اتقارۋشى قانات ءالىمجانوۆ.
سونداي جاناشىر ۇيىمداردىڭ اراسىندا وبلىستىق سالالىق كاسىپوداقتىڭ وكىلدەرى مەديتسينالىق قىزمەتكەرلەرگە قورعانىس كوستيۋمدەرىن جەتكىزىپ بەرگەن. سونىمەن قاتار, ولار بەتپەردەلەر دە اكەلگەن. كۇزەتشىلەرگە ءدامدى تاماقتار دا اكەلىپ, ولاردىڭ ءبىر مەزگىل ءۇيدىڭ تاماعىن ىشۋىنە مۇمكىندىك جاساعان. مۇنداي قايىرىمدىلىق ىستەردەن «ىسكەر ايەلدەر قاۋىمداستىعى», «قازاقستان حالقى اسسامبلەياسى», «ەرىكتىلەر ۇيىمى», كاسىپكەرلەر دە قالىس قالمادى. وسى ءىس-شارالاردى ۇيىمداستىرۋعا پوليتسيا دەپارتامەنتى جانىنداعى كونسۋلتاتيۆتى-كەڭەسشى ورگاننىڭ مۇشەلەرى دە ەلەۋلى ۇلەس قوستى. ء«بىز پوليتسيا دەپارتامەنتى جانىنداعى كونسۋلتاتيۆتى-كەڭەسشى ورگاننىڭ (ككو) مۇشەلەرى بولعاندىقتان, كومەك كورسەتۋدەن شەت قالا المادىق. ءتارتىپ ساقشىلارىنا قازىرگى ۋاقىتتا كەز-كەلگەن قولداۋ قاجەت, بۇل ولاردىڭ ءوز مىندەتتەرىنە دەگەن جاۋاپكەرشىلىگىن ارتتىرادى», - دەيدى ككو مۇشەسى ەرلان توقشىلىق.
سولتۇستىك قازاقستان وبلىسى