قىزىلوردا قالالىق پروباتسيا قىزمەتىنىڭ ينسپەكتورلارى پروباتسيا ەسەبىندە تۇرعاندارعا قۇقىقتىق كومەكتەر كورسەتىپ, ءتۇرلى جاعدايلارعا بايلانىستى كەڭەستەر بەرىپ وتىرادى. بۇل تۋرالى وبلىس بويىنشا قاجد ءباسپاسوز قىزمەتى حابارلادى.
ينسپەكتور, ادىلەت مايورى م.ماراتقىزى ەسەپتە تۇرعان سوتتالعاندارعا الەۋمەتتىك جەلى ارقىلى 42500 تەڭگە مولشەرىندەگى تولەماقىنى الۋعا ءوتىنىم بەرۋ جولدارىن ءتۇسىندىردى. وسىنىڭ ناتيجەسىندە 4 ازاماتقا مەملەكەتتىك الەۋمەتتىك ساقتاندىرۋ قورىنان قاراجات ءبولىندى. قالعان ازاماتتاردىڭ ارىزدارى قارالىمدا جاتىر.
سونىمەن قاتار سالا قىزمەتكەرلەرى الەۋمەتتىك جەلىگە شىعۋعا مۇمكىندىگى جوق ازاماتتار ءۇشىن «قىزىلوردا قالالىق الەۋمەتتىك بەيىمدەۋ ورتالىعى» مەكەمەسىمەن بىرلەسىپ, ونلاين رەجيمدە اڭگىمەلەسۋ ۇيىمداستىردى. وندا ەسەپتە تۇرعان ازاماتتاردىڭ تيەسىلى الەۋمەتتىك كومەكتەر الۋى, زەينەتاقى جيناعى جوقتار ماسەلەسى تالقىلاندى.