«بولات نۇرجانوۆ اتىنداعى ەكىباستۇز گرەس-1» جشس 5,7 ملرد كۆتساع. ەلەكتر ەنەرگياسىن ءوندىرىپ, 2020 جىلعى 1-توقساندى اياقتادى. بۇل ورايدا, اقپان ايىندا ەلىمىزدىڭ اسا ءىرى جىلۋ ەلەكتر ستانتسياسىنداعى 7 ەنەرگيا بلوگىنىڭ جۇمىسى ءۇشىن رەكوردتىق جۇكتەمە – 3481 مۆت تىركەلدى, دەپ حابارلادى «سامۇرىق-ەنەرگو» اق ۇكىمەتپەن بايلانىس جانە كوممۋنيكاتسيالار ءوفيسى.
ءباسپاسوز مالىمدەمەسىندە ايتىلعانداي, مۇنداي كورسەتكىش سوڭعى رەت 1986 جىلعى اقپاندا بايقالعان بولاتىن. ەڭ جوعارعى نۇكتە ول كەزدە 3095 مۆت-قا جەتتى, الايدا 8 ەنەرگيا بلوگى جۇمىس ىستەپ تۇرعان ەدى.
ەگرەس-1 وندىرگەن ەلەكتر ەنەرگياسىنىڭ قازاقستان نارىعىنداعى ۇلەسى 19,4%-ءتى قۇرادى. 2019 جىلعى 1-توقسانمەن سالىستىرعاندا ەلەكتر ەنەرگياسىنىڭ ۇلەسى 5,1%-كە ارتتى.
ەلەكتر ەنەرگياسىن قازاقستان نارىعىنا ساتۋ 2019 جىلعى 1-توقسانمەن سالىستىرعاندا 31,3%-كە ارتىپ, 5,5 ملرد كۆتساعاتتى قۇرادى. وزبەكستان رەسپۋبليكاسىنىڭ نارىعىنا 455 ملن كۆتساعات ەلەكتر ەنەرگياسى ساتىلدى.
قازاقستانداعى اسا ءىرى ەلەكتر ەنەرگەتيكالىق حولدينگ «سامۇرىق-ەنەرگو» اق-نىڭ قۇرىلىمىنداعى ەكىباستۇز گرەس-1 رەسپۋبليكا ەنەرگەتيكاسىنىڭ كوشباسشىسى بولىپ تابىلادى. ماسەلەن, وتكەن جىلدىڭ وزىندە عانا ەلەكتر ستانتسياسى 18,3 ملرد كۆتساع.ەلەكتر ەنەرگياسىن ءوندىردى, بۇل ەلىمىز بويىنشا وندىرىلگەن ەلەكتر ەنەرگياسىنىڭ جالپى ۇلەسىنىڭ 17,3%-ءىن قۇرايدى.
ورتاشا بلوكتىك جۇكتەمەسى 455 مەگاۆاتتى قۇرايتىن جەتى ەنەرگيا بلوگى جۇمىس ىستەپ تۇرعان كەزدە, ستانتسيا كۇزگى-قىسقى ماۋسىمعا تولىق دايىن ەكەنىن كورسەتتى.
ءوزىنىڭ تۇتىنۋشىلارىن ەلەكترمەن ءۇزىلىسسىز قامتاماسىز ەتۋ ماقساتىندا ستانتسيادا كەشەندى ءىس-شارالار اتقارىلدى. اتاپ ايتقاندا, 2019 جىلى 3 ەنەرگيا بلوگىندا اعىمداعى جانە كەڭەيتىلگەن جوندەۋ جۇمىستارى, ال ەكى ەنەرگيا بلوگىندا (№3 جانە №5) كۇردەلى جوندەۋ جۇمىستارى جۇرگىزىلدى. بۇگىندە ءبىرىنشى ەنەرگيا بلوگىن قالپىنا كەلتىرۋ جۇمىستارى جۇرگىزىلۋدە, باسقا بلوكتار سەكىلدى ول دا جاڭا ۇلگىدەگى, تيىمدىلىگى جوعارى, كۇل ۇستاپ قالۋ دەڭگەيى 99,6 پروتسەنت بولاتىن ەلەكترسۇزگىلەرمەن جابدىقتالادى.
كاسىپورىننىڭ جۇمىس قۋاتتىلىعىن ارتتىرۋ قازاقستان رەسپۋبليكاسى ءۇشىن قاجەت, ويتكەنى ول ەلىمىزدە ەلەكتر ەنەرگياسىنىڭ تاپشىلىعى تۋىنداۋ قاۋپىن تومەندەتەدى جانە ۇلتتىق ەكونوميكاسىنىڭ وسۋىنە سەپتىگىن تيگىزەدى.
ەستەرىڭىزگە سالا كەتەيىك, وسى جىلدىڭ ساۋىرىندە ەكىباستۇز گرەس-1 ءوزىنىڭ مەرەيتويىن اتاپ ءوتتى. ستانتسياعا 40 جىل تولدى. بۇگىنگى تاڭدا ستانتسيا 1400-دەن استام ادامدى جۇمىسپەن قامتاماسىز ەتىپ وتىر. ءوندىرىس قۋاتتىلىعىن ارتتىرۋمەن قاتار, ەگرەس-1 ەكىباستۇز قالاسىنىڭ الەۋمەتتىك جوبالارىنا دەمەۋشىلىك كومەك كورسەتىپ, قوعامدىق قايىرىمدىلىق قورلارىنا, مادەني-بۇقارالىق ءىس-شارالارعا قولداۋ ءبىلدىرىپ, ءوڭىردىڭ الەۋمەتتىك تىنىس-تىرشىلىگىنە بەلسەنە قاتىسادى.
«بولات نۇرجانوۆ اتىنداعى ەكىباستۇز گرەس-1» جشس – بەلگىلەنگەن قۋاتتىلىعى 4000 مۆت جانە قولداعى بار قۋاتتىلىعى 3500 مۆت بولاتىن, ەلەكتر ەنەرگياسىن وندىرۋمەن جانە تاراتۋمەن اينالىساتىن, كوندەنساتسيالىق تيپتەگى جىلۋ ەلەكتر ستانتسياسى. ەگرەس-1 ستانتسياسىنىڭ جالعز اكتسيونەرى – «سامۇرىق-ەنەرگو» اق. ستانتسيادا وندىرىلگەن ەلەكتر ەنەرگياسىنىڭ باسىم بولىگى قازاقستاننىڭ ەنەرگەتيكا نارىعىندا تاراتىلادى.
«سامۇرىق-ەنەرگو» اق – قازاقستانداعى اسا ءىرى ەلەكتر ەنەرگەتيكالىق حولدينگ, اكتسيالارىنىڭ 100%-ى «سامۇرىق-قازىنا» ۇاق» اق-عا تيەسىلى. 2007 جىلى قۇرىلعان. جۇمىسىنىڭ نەگىزگى باعىتتارى: ەلەكتر جانە جىلۋ ەنەرگياسىن ءوندىرۋ; ەلەكتر ەنەرگياسىن جەتكىزۋ, ءبولىپ-تاراتۋ جانە ساتۋ; ەنەرگەتيكالىق كومىر ءوندىرۋ. حولدينگتىڭ قۇرامىنا ەنەرگيا جانە كومىر ءوندىرۋ كاسىپورىندارى, سونىڭ ىشىندە: «ەكىباستۇز گرەس-1» جشس, «ەكىباستۇز گرەس-2 ستانتسياسى» اق, «بوگاتىر كومىر» جشس, «الماتى ەلەكتر ستانتسيالارى» اق, «و.د. قانتاەۆ اتىنداعى مويناق سۋ ەلەكترستانتسياسى» اق, «شاردارا سەس» اق جانە ت.ب. كىرەدى.