بۇعان دەيىن حابارلانعانداي, قازاقستان پرەزيدەنتى قاسىم-جومارت توقاەۆتىڭ تاپسىرماسى بويىنشا 1 مامىردان باستاپ نۇر-سۇلتان جانە الماتى قالالارى اراسىنداعى اۋە رەيستەرى اشىلادى.
ۇشۋ الدىندا جولاۋشىلار COVID-19 كوروناۆيرۋسىنا اقىلى تەستىلەۋدەن ءوز بەتىنشە ءوتۋى قاجەت. ەندى تەستكە قالا تۇرعىندارى Smart Astana قوسىمشاسى ارقىلى «مەديتسينا» – «COVID-19 تەستىنە جازىلۋ» بولىمىندە جازىلا الادى.
ساۋالناما اۆتوماتتى تۇردە «كدل وليمپ» زەرتحانالارىنا جىبەرىلەدى. ودان ءارى مەديتسينالىق مەكەمە قىزمەتكەرلەرى قوڭىراۋ شالىپ, ەمشارا كابينەتىنە شاقىرادى. COVID-19 تەستى ازاماتتاردىڭ ءوز قاراجاتى ەسەبىنەن, اقىلى تاپسىرىلادى.
ايتا كەتۋ كەرەك, انىقتاما 7 كۇنگە جارامدى. ەگەر جولاۋشى نۇر-سۇلتاننان الماتىعا ۇشىپ كەلىپ, قۇجاتتىڭ قولدانىلۋ مەرزىمى اياقتالسا, قايتا ورالۋ ءۇشىن ول قايتادان اقىلى تەستىلەۋدەن ءوتۋى قاجەت.