توتەنشە جاعداي رەجيمىن قامتاماسىز ەتۋ جونىندەگى وڭىرلىك جەدەل شتابتىڭ مالىمەتىنە سۇيەنسەك, بۇگىن اتىراۋدا 60-شى پاتسيەنت قاۋىپتى ىندەتتەن جازىلىپ شىقتى.
–بۇگىن 23 جاستاعى جەرگىلىكتى تۇرعىندا كوروناۆيرۋس ينفەكتسياسىنا باقىلاۋ سىناماسى تەرىس ناتيجە كورسەتتى. الايدا, جۇكتى ايەل «پنەۆمونيا» دياگنوزىمەن جۇقپالى اۋرۋلار ستاتسيونارىنان وبلىستىق اۋرۋحاناعا اۋىستىرىلدى. انا مەن بالانىڭ دەنساۋلىعىنا قاۋىپ ءتونىپ تۇرعان جوق. سول سەبەپتەن, ايەل ينفەكتسيالىق ستاتسيوناردىڭ جانىنان ءتيىستى ەم قابىلدايدى, دەپ حابارلادى وڭىرلىك جەدەل شتابتان.
اتىراۋ وبلىسىندا قاۋىپتى ىندەتتى 131 ادام جۇقتىردى. ونىڭ 60-ى جازىلىپ شىققان.