نەسيەلىك تۇرعىن ءۇي قۇرىلىسىنا (وبليگاتسيالىق قاعازداردى شىعارۋ ەسەبىنەن) اعىمداعى جىلى 4 ملرد تەڭگە ءبولىندى. بۇل تۋرالى قوعامدىق كوممۋنيكاتسيا ورتالىعىندا وتكەن بريفينگتە ماڭعىستاۋ وبلىسى اكىمىنىڭ ورىنباسارى نۇرلىباي اققۇلوۆ مالىمدەدى.
اعىمداعى جىلى بۇل باعىت بويىنشا 1282 پاتەرگە ارنالعان 86 مىڭ شارشى مەتردى قۇرايتىن تۇرعىن ۇيلەر قۇرىلىسى جۇرگىزىلەدى. جىل سوڭىندا 627 پاتەر نەمەسە 45 مىڭ شارشى مەتردى قۇرايتىن تۇرعىن ۇيلەر پايدالانۋعا بەرىلەدى.
اقتاۋ قالاسىندا 670 پاتەرگە ارنالعان 53,438 مىڭ شارشى مەتردى قۇرايتىن «اققۋ-3» تۇرعىن ءۇي كەشەنىنىڭ 447 پاتەرگە ارنالعان 35,625 مىڭ شارشى مەتردى قۇرايتىن 2 بولىگى, 1 بولىگى 2021 جىلدىڭ 1-ءشى جارتىجىلدىعىندا پايدالانۋعا بەرىلەدى. سونداي-اق اقتاۋ قالاسىندا 18 شاعىناۋداندا 180 پاتەرگە ارنالعان 10,150 مىڭ شارشى مەتردى قۇرايتىن تۇرعىن ۇيلەر پايدالانۋعا بەرىلەدى.اقتاۋ قالاسىندا 19ا شاعىناۋدانىندا 432 پاتەرگە ارنالعان 22,434 مىڭ شارشى مەتردى قۇرايتىن تۇرعىن ۇيلەر 2021 جىلدىڭ 1-ءشى توقسانىندا پايدالانۋعا بەرىلەدى.
سونىمەن قاتار ماڭعىستاۋ وبلىسىنا 5 ملرد تەڭگە كولەمىندە قارجى نەسيەلىك تۇرعىن ءۇي قۇرىلىسىنا قارالعان, بۇل قارجىنى مەملەكەتتىك جانە جەكە مەنشىك ارىپتەستىك نەگىزىندە ىسكە اسىرۋ جوسپارلانىپ وتىر.