افرين قالاسىنداعى جارىلىستان 40 ادامنىڭ ءومىرى قيىلدى. ولاردىڭ ىشىندە 11 بالا بار. 47 تۇرعىن ءتۇرلى جاراقات العان.
تۇركيانىڭ كورشىلەس حاتاي پروۆينتسياسىنىڭ گۋبەرناتورىنىڭ ايتۋىنشا, ساۋدا بازارىندا جانارماي تاسىمالداۋشى كولىككە ورناتىلعان گراناتالار جارىلعان. اقپارات كوزدەرىنىڭ حابارلاۋىنشا, مەرت بولعانداردىڭ اراسىندا تۇرىك اسكەرلەرى دە بار.
تۇركيانىڭ قورعانىس مينيسترلىگى تەررورلىق ارەكەتكە سيرياداعى كۇرد جاساقتارىن ايىپتاپ وتىر. قازىر افرين تۇرىك اسكەرى مەن سيريا وپپوزيتسياسىنىڭ وداقتىق توپتارىنىڭ باقىلاۋىندا.