«ازاماتتىق الاڭى» پىكىرتالاس ورتالىعىندا «پاندەميا جانە ساناداعى وزگەرىس» تاقىرىبىندا وتكەن تىكەلەي ەفير بارىسىندا بەلگىلى ساياساتتانۋشى ساياسات نۇربەك پاندەميا قوعامعا كوپتەگەن وزگەرىستەر الىپ كەلگەنىن ايتتى.
ەڭ باستىسى جۇمىس ىستەمەيتىن, ءتيىمسىز باعدارلامالاردى ايقىنداپ, قارجىنى ۇنەمدەۋگە مۇمكىندىك بەرەتىن تەتىكتەردى دە سانامالاپ بەردى. س. نۇربەك سونداي-اق ەڭ باستى وگەرىس رەتىندە – مەريتوكراتيانى اتادى. قوعامدا ادامدار ماتەريالدىق جاعدايىنا قاراي ەمەس, قابىلەتىنە قاراي تەڭەستى. ەكىنشىدەن بۇل جاعدايلار ەلىمىزدەگى ءتيىمسىز, كەرەكسىز, جۇمىس ىستەمەيتىن قاعيداتتاردى, باعدارلامالاردى اشكەرەلەدى. ۇشىنشىدەن بۇل جاعدايلار رەفورمالار, جاڭالىقتار ەنگىزۋگە وتە جاقسى مۇمكىندىك تۋعىزىپ وتىر. «پاندەميا كوپشىلىكتىڭ كوزىن اشتى. وسى مۇمكىندىكتى ءبىز پايدالانا الامىز با؟ ەڭ ۇلكەن سۇراق وسى», – دەدى ساياساتتانۋشى.
سونىمەن قاتار ساياسات نۇربەك 191 مىڭ مەملەكەت ونلاين ءبىلىم بەرۋگە كوشكەنىن, وزگەرىسكە تەك قىتاي عانا دايىن بولعانىن ايتتى. الايدا وعان قىتايدان باسقا ەشبىر مەملەكەت دايىن بولعان جوق. قىتاي از عانا ۋاقىتتا 180 ملن وقۋشىعا 7, 5 مىڭ سەرۆەر ازىرلەپ, وسى وقۋشىلاردىڭ بارلىعى ونلاين ءبىلىم الىپ جاتقانىن ايتىپ بەردى. سونىمەن قاتار دۇنيەجۇزىندە تسيفرلىك ساۋاتتىلىقتىڭ دەڭگەيى دە الەم الدىندا ايقىندالىپ قالدى. «2018 جىلى الەمدە 14 جاستاعى وقۋشىلار اراسىندا حالىقارالىق تسيفرلىق ساۋاتتىلىق بويىنشا زەرتتەۋ جۇرگىزىلگەن. ەلىمىز سول رەيتينگتىڭ سوڭىنان تابىلدى. وكىنىشكە قاراي, ول ءبىزدىڭ وقۋشىلارىمىزدىڭ, بالالارىمىزدىڭ تسيفرلىق ساۋاتتىلىعىنىڭ تومەن ەكەنىن كورسەتتى», – دەدى BTS Digital ءبىلىم بەرۋ جوباسىنىڭ جەتەكشىسى ساياسات نۇربەك.