تاۋەلسىز مەملەكەتتەر دوستاستاعى قاتىسۋشى-مەملەكەتتەرىنىڭ قارۋلى كۇشتەرى گيدرومەتەورولوگيالىق (مەتەورولوگيالىق) قىزمەتتەرى قاۋىپتى جانە تابيعي گيدرومەتەورولوگيالىق قۇبىلىستارىنا قاتىستى قاتتى داۋىل تۋرالى اقپارات الماسۋ بويىنشا وقۋ-جاتتىعۋ وتكىزدى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
وقۋ-جاتتىعۋ قازاقستان قارۋلى كۇشتەرى باس شتابى گەواقپاراتتىق قامتاماسىز ەتۋ دەپارتامەنتىنىڭ گيدرومەتەورولوگيالىق قامتاماسىز ەتۋ باسقارماسىمەن 2020 جىلعا ارنالعان تمد قاتىسۋشى-مەملەكەتتەرى قورعانىس مينيسترلەر وداعىنىڭ جۇمىس جوسپارىنا سايكەس وتكىزىلدى.
سونىمەن قاتار, جاتتىعۋ كەزىندە قازاقستان اۋە قورعانىس كۇشتەرى اسكەري ءبولىمىنىڭ مەتەورولوگيالىق ورتالىعى جانە نۇر-سۇلتان قالاسى اۆياتسيالىق بازاسىنىڭ مەتەورولوگيالىق قىزمەتى قوسىمشا تارتىلدى.
جاتتىعۋدىڭ ماقساتى – قازاقستاندىق اسكەري مەتەورولوگتارى مەن تمد ەلدەرىنىڭ قارۋلى كۇشتەرىنىڭ مەتەورولوگيالىق قىزمەتىنىڭ جەدەل جانە بولجامدى ورگاندارى اراسىنداعى جۇمىستىڭ ۇيلەسىمدىلىگىن ارتتىرۋ, تابيعي گيدرومەتەورولوگيالىق قۇبىلىستاردىڭ الدىن-الۋ جانە ەسكەرتۋ بويىنشا ءتيىمدى ءوزارا ءىس-قيمىل مەن ءوزارا كومەك كورسەتۋدى ۇيىمداستىرۋ بولىپ تابىلادى.
ستسەناري بويىنشا كەزەكشى وفيتسەر-گيدرومەتەورولوگ قاتىسۋشى- مەملەكەتتەردى قازاقستانداعى تابيعي گيدرومەتەورولوگيالىق قۇبىلىستاردىڭ شارتتى تۇردە پايدا بولۋى تۋرالى حاباردار ەتتى. سونداي-اق ول ارمەنيا, بەلارۋس, قىرعىزستان جانە رەسەي قورعانىس مينيسترلىكتەرىنىڭ گيدرومەتەورولوگيالىق قىزمەتتەرىنە ەسكەرتۋلەر مەن حابارلامالار جولدادى.
ءوز كەزەگىندە وسىنداي ەسكەرتۋلەردى جوعارىدا اتالعان ەلدەردىڭ مەتەوقىزمەتتەرىنەن قازاقستاننىڭ قورعانىس ۆەدومستۆوسىنا دا جىبەرىلدى.
وقۋ-جاتتىعۋ قورىتىندىسى بويىنشا بارلىق ماقساتتارعا قول جەتكىزىلدى, گيدرومەتەورولوگيالىق اقپاراتتارمەن ۋاقتىلى الماسۋ بويىنشا مىندەتتەر تولىق كولەمدە ورىندالدى.