امەريكانىڭ اكتسيالار نارىعى الەمدەگى كارانتيندىك شەكتەۋلەردىڭ بىرتىندەپ الىنا باستاۋىنا بايلانىستى اقىرىنداپ سەرپىن الا باستادى. دۇيسەنبى كۇنگى كوتيروۆكالار باعامى بيزنەس پەن ادامداردىڭ قالىپتى ومىرگە قايتا ورالا باستاعانىن دالەلدەسە كەرەك.
kazks.kz كاسىپورىنداردىڭ بەلگىلى ءبىر بولىگى قاجەتتى ساقتىق شارالارىن ساقتاعان جاعدايدا جۇمىس قىزمەتىن قايتا باستايتىندىعىن ايتادى. اتاپ ايتقاندا, Tesla ەلەكتروكارالارىنىڭ الدىڭعى قاتارلى ءوندىرۋشىسىنىڭ قاعازدارى كومپانيا قىزمەتكەرلەرىنىڭ بىرقاتارى جۇمىسقا شىعۋ تۋرالى حابارلاما العاننان كەيىن 10 پايىزعا كوتەرىلگەن. كەلەسى اپتادا توقساندىق ەسەپ بەرگەننەن كەيىن ينۆەستورلارعا ءىرى امەريكالىق تەحنولوگيالىق كومپانيالاردىڭ ءبىرىنشى توقسانداعى ەسەبىن تالقىلاۋعا تۋرا كەلەدى. ونىڭ قورىتىندىسى يندەكستەردىڭ ارى قارايعى باعىت-باعدارىن ايقىندايتىن بولادى. ال ەڭ ءىرى دەگەن USO بيرجالىق مۇناي ينۆەستيتسيالىق قورىنىڭ مۇناي بويىنشا كەلىسىمدەردى ساقتاماۋى (-14,8%) مۇناي كوتيروۆكالارىنىڭ تومەندەپ كەتۋىنە سوقتىرىپ وتىر.
مامىر ايىنداعى كەلىسىمنىڭ جاعىمسىز جاققا قاراي باعىت الۋى USO ينۆەستيتسيالىق پورتفەلىن وزگەرتۋگە ماجبۇرلەدى. بۇرىن USO مۇنايدىڭ تاياۋداعى كەلىسىم شارتتارىنا باسىمدىق بەرگەن بولسا, قازىرگى كەزدە قور ەكسپيراتسياسى كەشتەۋ مەرزىمدەگى مۇناي كەلىسىمدەرىنە ينۆەستيتسيا كولەمىن ۇلعايتىپ وتىر. وسىدان ءۇش كۇن وتە Brent 6,8 پايىزعا, باررەلى 20 دوللارعا دەيىن شوكتى.