بۇل تۋرالى «اتامەكەن» ۇلتتىق كاسىپكەرلەر پالاتاسى مالىمدەدى. اتالعان پالاتا ءبيىل ۇشىنشى جىل قاتارىنان ءبىلىم جانە عىلىم مينيسترلىگىمەن بىرلەسىپ, قازاقستاندىق جوعارى وقۋ ورىندارىنىڭ ءبىلىم بەرۋ باعدارلامالارىنا تاۋەلسىز باعالاۋ جۇرگىزىپ كەلەدى.
– جوو جىبەرگەن ماتەريالداردى تالداۋ بارىسىندا ساباق وقۋ بارىسىنداعى 2 كۋرستان باستاپ ۇزدىكسىز جۇمىس ىستەگەن ستۋدەنتتەر ۇلەسى 13% قۇرادى, بۇل دەگەنىمىز 8110 ستۋدەنت ساباققا قاتىسپاي جۇمىس جاساپ ديپلوم العان. بۇل كريتەري بويىنشا بارىنشا كوزگە تۇسكەن قازاقستان يننوۆاتسيالىق جانە تەلەكوممۋنيكاتسيالىق جۇيەلەر ۋنيۆەرسيتەتىندە (بىتىرۋشىلەردىڭ جالپى سانى – 2542, ونىڭ ىشىندە وقۋ كەزىندە جۇمىس ىستەيتىندەر سانى – 1283, ونىڭ ىشىندە 418 – 1990 ج. ت. جانە ودان دا ۇلكەن), قازاقستان تەڭىز ۋنيۆەرسيتەتىندە (بىتىرۋشىلەردىڭ جالپى سانى – 129, ونىڭ ىشىندە وقۋ كەزىندە جۇمىس ىستەيتىندەر سانى – 83, ونىڭ ىشىندە 59 – 1990 ج. ت. جانە ودان دا ۇلكەن) جانە ت. ب. بۇل ستۋدەنتتەر «اق بجزق», «كازترانسگاز ايماق اق», «ماڭعىستاۋ وبلىسىنىڭ قوعامدىق دەنساۋلىق ساقتاۋ دەپارتامەنتى رمم», «كازپوچتا» اق كومپانيالاردا جۇمىس جاسادى, – دەلىنگەن پالاتانىڭ حاارلاماسىندا.