قازاقستاننىڭ تۇڭعىش پرەزيدەنتى مەملەكەت جانە قوعام قايراتكەرى, سوتسياليستىك ەڭبەك ەرى ەريك حريستوفور ۇلى گۋكاسوۆتىڭ قايتىس بولعانى تۋرالى سۋىت حاباردى كۇيزەلىسپەن قابىلدادى. بۇل تۋرالى ەلباسىنىڭ ءباسپاسوز قىزمەتى حابارلادى.
«ەريك حريستوفور ۇلى ماعىنالى عۇمىر كەشىپ, پرورابتان قازاق كسر مينيسترلەر كەڭەسى توراعاسىنىڭ ورىنباسارلىعىنا دەيىنگى ەڭبەك جولىندا جەمىستى قىزمەت اتقاردى. ول رەسپۋبليكانىڭ الەۋمەتتىك-ەكونوميكالىق دامۋىنا زور ۇلەس قوستى, جوعارى مەملەكەتتىك ناگرادالارمەن جانە اتاقتارمەن ماراپاتتالدى. ەريك حريستوفور ۇلى جوعارى كاسىبي بىلىكتىلىگىمەن, ءوز ىسىنە دەگەن ادالدىعىمەن, ادامي قاسيەتتەرىمەن جانە بەرىك ومىرلىك ۇستانىمدارىمەن ەرەكشەلەندى», - دەلىنگەن جەدەلحاتتا.