رەسەيدىڭ ءىرى اۋە كومپانيالارىنىڭ ترافيگى ناۋرىز ايىندا 50 پايىزعا دەيىن تومەندەگەن. دەگەنمەن دە بۇل كوماپنيالار ءساۋىر ايىندا بيلەتتەر قۇنىن كوتەرىپ شارىقتاتىپ العان.
ۆەدومستۆو مالىمەتتەرىنە سۇيەنسەك, ماسكەۋدەن رەسەيدىڭ 15 قالاسىنا بيلەت قۇنى 50-110 پايىزعا دەيىن وسكەن.
بۇعان دەيىن «اەروفلوت» اۋەجايىنىڭ بازالىق تاسىمالداۋشىسى كوروناۆيرۋستىڭ سالدارىنان مىڭداعان رەيستى الىپ تاستاعان. ءىرى رەسەيلىك «شەرەمەتەۆو» اۋەجايىنىڭ جولاۋشىلار تاسىمالى ناۋرىز ايىندا وتكەن جىلعى ناۋرىزعا قاراعاندا 41,6 پايىزعا, ياعني 2,2 ملن ادامعا دەيىن قىسقارعان, دەپ حابارلايدى روساۆياتسيا. ال ماسكەۋدىڭ باسقا اۋەجايلارى مۇنداي جاعدايدان الىستاۋ. «دومودەدوۆو» ترافيگى 29,3 – 1,4 ملن جولاۋشىعا, «ۆنۋكوۆودا» 24,3 پايىزعا – 1,2 ملن جولاۋشىعا دەيىن قىسقارعان.
«اەروفلوت» شەتەلدەن جولاۋشىلار تاسىمالدايتىن ءىرى اۋەجايى بولىپ تابىلادى. وعان «شەرەمەتەۆو» ترافيگىنىڭ شامامەن 75 پايىزى تيەسىلى. ناۋرىز ايىنىڭ ورتاسىنان باستاپ «اەروفلوت» اپتاسىنا 1300 رەيس توقتاتۋعا ءماجبۇر بولعان. اي سوڭىندا رەسەي ۇكىمەتى حالىقارالىق رەيستەرگە تولىقتاي تىيىم سالدى. وسى كەزەڭدە «اەروفلوت» اپتاسىنا 1000-عا جۋىق رەيستەردى توقتاتتى.
ناۋرىز ايىندا ماسكەۋدە وسى ءۇش اۋەجاي حالىقارالىق رەيستەردە 1,7 ملن ادامعا قىزمەت كورسەتسە, بۇل وتكەن جىلدىڭ سالىستىرمالى كەزەڭىنە قاراعاندا تومەن. ماسكەۋ ارقىلى ىشكى تاسىمالداردىڭ ازايۋى 22,1 پايىزدى قۇراپ – 3,1 ملن ادامعا دەيىن جەتكەن.
«دومودەدوۆونىڭ» ءىرى تاسىمالداۋشىلارى – S7 اۋەكومپانياسى جانە «ۋرال اۋە جولدارى» شەتەلگە از ۇشقان. ولاردىڭ ارقايسىسى اپتاسىنا 400-گە جۋىق شەتەلدىك رەيستەردى توقتاتۋعا تۋرا كەلدى. «ۆنۋكوۆونىڭ» نەگىزگى تاسىمالداۋشىلارى – «پوبەدا» لوۋكوستەرى جانە Utair – اپتاسىنا 200 جانە 160 حالىقارالىق رەيستەر جابىلعان. Utair رەيستەردىڭ ەداۋىر بولىگىن ماسكەۋدەن باسقا دا ايماقتاردان ورىنداعان.