وبلىستىق پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسى پروكۋراتۋرا ورگاندارىنىڭ باستاماسىمەن جەدەل-ىزدەستىرۋ شارالارىن جۇرگىزۋ بارىسىندا ەسىرتكى زاتتارىن زاڭسىز ساقتاپ, تاسىمالداعان شيەلى اۋدانىنىڭ تۇرعىنىن ۇستادى.
ۇستالعان 47 جاستاعى ازامات گازەت قيىندىسىنا ورالعان جاسىل ءتۇستى ۇنتاقتى 2000 تەڭگەگە ساۋدالاعان. ساراپتاما قورىتىندىسى ول ۇنتاقتىڭ جالپى سالماعى 3,56 گرامم بولاتىن كەپتىرىلگەن ماريحۋانا ەكەندىگىن انىقتادى.
بۇل ازاماتتىڭ جۇمىس ورنىن تەكسەرۋ بارىسىندا ءدال وسىنداي 14 دانا وراما تابىلدى. مەكەن-جايىن ءتىنتۋ بارىسىندا دا ۇيىنەن ورامانىڭ 12 داناسى تابىلىپ, ساراپتاما قورىتىندىسىنا سايكەس الىنعان زاتتاردىڭ جالپى سالماعى 99,33 گرامم كەپتىرىلگەن ماريحۋانا ەكەندىگى بەلگىلى بولدى.
قازىر بۇل دەرەك بويىنشا قازاقستان رەسپۋبليكاسى قىلمىستىق كودەكسىنىڭ 297-بابىنىڭ 1 بولىگى جانە 269 بابىنىڭ 3 بولىگىمەن سوتقا دەيىنگى تەرگەپ – تەكسەرۋ امالدارى جۇرگىزىلۋدە.
كۇدىكتى ۋاقىتشا ۇستاۋ يزولياتورىنا قاماۋعا الىندى.