بۇگىن قاراعاندى وبلىسىندا كوروناۆيرۋسپەن اۋىرعان التى ادام جازىلىپ شىقتى, دەپ حابارلادى وبلىس اكىمىنىڭ ءباسپاسوز قىزمەتى.
ناۋقاستار تولىق ەمدەۋ كۋرسىنان ءوتتى جانە ەكى مارتە الىنعان پتر-تالداۋ تەرىس ناتيجە كورسەتكەننەن كەيىن ولار ءۇي كارانتينىنە شىعارىلدى.
سىرقاتتان ساۋىققانداردىڭ اراسىندا ەكى جاستاعى ءسابي دە بار. سونداي-اق, جازىلىپ شىققاندار قاتارىندا شاحتينسك قالاسىنىڭ 1989 جانە 2018 جىلدارى تۋعان ەكى تۇرعىنى جانە ءۇش قاراعاندىلىق بار. بۇلاردىڭ ءبارى COVID-19 ىندەتىنىڭ جەڭىل تۇرىمەن اۋىرعان.
بۇگىنگى كۇندە وبلىستا جازىلىپ شىققانداردىڭ جالپى سانى 43 ادام بولدى.
قاراعاندى وبلىسى