Birgemiz قورىنان تولەنەتىن تولەمدەر جەتى سانات بويىنشا بەرىلەدى دەپ حابارلايدى ەلوردا اكىمدىگىنىڭ رەسمي سايتى.
نۇر-سۇلتان قالاسىندا ء«بىز بىرگەمىز» اكتسياسى اياسىندا 28 073 ادام قامتىلاتىن كومەكتىڭ ەكىنشى كەزەڭى باستالدى. اتاپ ايتقاندا, ازاماتتاردىڭ جەتى ساناتى 50 مىڭ تەڭگە كولەمىندە كومەك الادى. ولار ااك الاتىن از قامتىلعان وتباسىلار, ەڭ تومەنگى زەينەتاقى الاتىن زەينەتكەرلەر, ءبىرىنشى نەمەسە ەكىنشى توپتاعى مۇگەدەكتىگى بار زەينەتكەرلەر, جەتىم بالالار, سوعىس ارداگەرلەرى جانە ولارعا تەڭەستىرىلگەن ازاماتتار, سونداي-اق قاراۋىندا مۇگەدەك بالالارى بار وتباسىلار جانە تىل ەڭبەككەرلەرى.
«اتالعان كومەك ءار وتباسىنا ءبىر رەت عانا بەرىلەدى. ياعني, ءبىر رەت كومەك العان ادامدار ەكىنشى مارتە الا المايدى. 28073 ادام - اتالعان كومەككە مۇقتاج العاشقى كەزەڭدە قامتىلعانداردان وزگە ادامدار», – دەپ حابارلادى نۇر-سۇلتان قالاسىنىڭ حالىقتى جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ ورىنباسارى ايگەرىم تاڭىربەرگەنوۆا.
ء«بىز بىرگەمىز» اكتسياسى اياسىندا كومەكتىڭ العاشقى تولقىنى بارىسىندا ەلوردانىڭ 14 478 تۇرعىنى 50 مىڭ تەڭگە كولەمىندە قارجىلاي كومەك العان بولاتىن.
«ەشكىمگە ءوتىنىم بەرۋدىڭ قاجەتى جوق. ءبىز بارلىق مالىمەتتەردى الەۋمەتتىك تولەمدەردىڭ ۆەدومستۆوارالىق ەسەپ ايىرىسۋ ورتالىعىنىڭ دەرەكتەر قورىنان الەۋمەتتىك قورعاۋ باسقارماسى ارقىلى الامىز. ياعني, ەگەر ادام ەلوردادا رەسمي تىركەلسە, جاردەماقى, زەينەتاقى, ااك جانە باسقا دا مەملەكەتتىك جاردەماقى تۇرىندە قانداي دا ءبىر تولەم الاتىن بولسا, ول اۆتوماتتى تۇردە ءبىزدىڭ تىزىمگە ەنەدى», – دەپ ءتۇسىندىردى Nur Otan قالالىق پارتياسى فيليالى توراعاسىنىڭ ءبىرىنشى ورىنباسارى ەرلان كاناليموۆ.
ەستەرىڭىزگە سالا كەتەيىك, ازىق-ت ۇلىك سەبەتتەرىن الۋعا ءوتىنىمدى پارتيانىڭ قوعامدىق قابىلداۋى ارقىلى بەرۋگە بولادى.