9 مامىرعا اقشالاي تولەمدەر ارداگەرلەردىڭ جەسىرلەرىنە, تىل ەڭبەككەرلەرىنە جانە باسقا دا بىرقاتار ساناتتارعا قاراستىرىلعان, دەپ حابارلادى ەلوردا اكىمدىگىنىڭ ءباسپاسوز قىزمەتى.
1941-1945 جىلدارداعى ۇلى وتان سوعىسىنداعى جەڭىستىڭ 75 جىلدىعىن مەرەكەلەۋگە بايلانىستى نۇر-سۇلتاندا ۇلى وتان سوعىسىنىڭ قاتىسۋشىلارى مەن مۇگەدەكتەرى 1 ملن تەڭگەدەن الادى.
قازىرگى تاڭدا ەلوردادا ۇوس 44 ارداگەرى بار. سونىمەن قاتار, تىل ەڭبەككەرلەرى, قايتىس بولعان ۇوس مۇگەدەكتەرى مەن قاتىسۋشىلارىنىڭ ايەلدەرى, سونداي-اق جەڭىلدىكتەر مەن كەپىلدىكتەر بويىنشا ۇوس ارداگەرلەرىنە تەڭەستىرىلگەن بارلىق ادامدار دا ءبىر جولعى اقشالاي تولەمدەردى الادى.
اتاپ ايتقاندا, جەڭىلدىكتەر مەن كەپىلدىكتەر بويىنشا ۇلى وتان سوعىسىنىڭ قاتىسۋشىلارى مەن مۇگەدەكتەرىنە تەڭەستىرىلگەن ادامدارعا – 75 مىڭ تەڭگەدەن (405 ادام), جەڭىلدىكتەر مەن كەپىلدىكتەر بويىنشا سوعىسقا قاتىسۋشىلارعا تەڭەستىرىلگەن ادامدارعا, ونىڭ ىشىندە قازا تاپقان اسكەري قىزمەتشىلەردىڭ وتباسىلارىنا, سوعىس جىلدارىندا قايتىس بولعان ۇوس ارداگەرلەرىنىڭ جەسىرلەرىنە, تىل ەڭبەككەرلەرىنە – 32 500 تەڭگەدەن (3 529 ادام) بىرجولعى اقشالاي تولەمدەر قاراستىرىلعان.