99 جاستاعى بريتاندىق ارداگەر توم مۋرعا 30 ءساۋىر كۇنگى مەرەيتويى قارساڭىندا 100 مىڭ قۇتتىقتاۋ حاتتارى كەلىپ تۇسكەن. قۇتتىقتاۋلار جايىندا حابارلاعان ارداگەردىڭ ۇلكەن قىزى اكەسىنە گۇل, شوكولاد تۇرىندەگى سىيلىقتاردىڭ كوپتەپ كەلگەندىگىن ايتادى. ال ارداگەردىڭ ءوزى قۇتتىقتاۋلارعا ريزاشىلىعىن بىلدىرۋدە.
ءىى دۇنيەجۇزىلىك سوعىس جىلدارىندا ءۇندىستان جانە بيرمادا سوعىسقان توم مۋردىڭ ەسىمى پاندەميا كەزىندە بريتاندىق دارىگەرلەرگە قولداۋ قورىن جيناۋمەن تانىلعان بولاتىن. ءوز كامپانياسىنا قوعامنىڭ نازارىن اۋدارۋ ءۇشىن ارداگەر 25 مەتر اۋلاسىن 100 رەت اينالىپ شىعاۋعا ۋادە ەتكەن-ءدى. ونىڭ بۇل باستاماسى شىنىمەن دە قوعامنىڭ نازارىن اۋداردى.
سوڭعى مالىمەتتەر بويىنشا قورعا 1,3 ملن ادامنان 29 ملن فۋنت ستەرلينگ جينالعان (35 ملن اقش دوللارى شاماسىندا). بۇل باستاماعا تانىمال تۇلعالار دا قولداۋ ءبىلدىرىپ, ارداگەردى «بريتانيانىڭ ماقتانىشى» دەگەن سىيلىعىنا ۇسىندى. توم مۋر سونداي-اق مايكلوم بوللمەن You’ll Never Walk Alone ءانىن جازىپ, ۇلتتىق دەنساۋلىق قىزمەتى ءۇشىن قايىرىمدىلىق جاسادى. ولاردىڭ انىنە ۇلىبريتانيانىڭ iTunes چارتى قولداۋ ءبىلدىردى.