رەسەيدىڭ ەسەپ پالاتاسىنىڭ باسشىسى الەكسەي كۋدرين ايماقتاعى ەكونوميكانىڭ جەتى-سەگىز پايىزعا دەيىن تومەندەۋىمەن بايلانىستى بولجامدارىن جاريا ەتتى.
ا.كۋدريننىڭ بولجامى بويىنشا, جالپى ىشكى ءونىمنىڭ تومەندەۋ دەڭگەيى التى-سەگىز پايىزعا جەتۋى ىقتيمال, ال حالىقارالىق ۆاليۋتا قورىنىڭ مالىمەتىنشە, بۇل كوركەتكىش بەس پايىزدان تومەن ءتۇسۋى مۇمكىن. ەسەپ پالاتاسىنىڭ باسشىسى ەلدىڭ دۇنيە جۇزىمەن وتە تىعىز بايلانىستا ەكەنىن اتاپ ءوتىپ, قازىرگى جاعدايدا 2008 جىلعى داعدارىستى ەسكە الماۋدىڭ قيسىنسىز ەكەندىگىن اتاپ ءوتتى. ويتكەنى, داعدارىستىڭ كوپتەگەن سالالارعا ىقپالى بولماي قويمادى.
ونىڭ ايتۋىنشا, حالىقارالىق ەڭبەك ۇيىمىنىڭ دەرەگى بويىنشا, قازىرگى كەزدە رەسەيدەگى جۇمىسسىزدار 4,5 پايىزدى قۇراپ وتىر. ال بولجالدى كورسەتكىش 7-8, تىپتەن 10 پايىزعا بارۋى مۇمكىن. وسىلايشا ەلدەگى جۇمىسسىزدار سانى 6-9 ميلليونعا جەتەدى. سوندىقتان دا ۇلتتىق ءال-اۋقات قورىن ءۇش جىلعا دەيىن سوزۋ قاجەت. داعدارىس كۇشەيگەن كەزەڭدە ونىڭ جارتىسى جۇمسالاتىن بولادى.