ەلوردا اكىمدىگى كولىك جۇرگىزۋشىلەرىن كەپتەلىستىڭ الدىن الۋ ءۇشىن ءوز قوزعالىسىن الدىن الا جوسپارلاۋعا شاقىردى.
قالالىق كولىك جانە جول-كولىك ينفراقۇرىلىمىن دامىتۋ باسقارماسى 25 ساۋىردە رەسپۋبليكا داڭعىلىنان سارىارقا داڭعىلىنا دەيىنگى ۋچاسكەدە, كەنەسارى مەن اباي كوشەلەرىندە جوندەۋ جۇمىستارى باستالاتىنىن حابارلادى.
«وسىعان بايلانىستى 25 ساۋىردەن 7 مامىرعا دەيىن اتالعان ۋچاسكەدە كولىك قوزعالىسى جارتىلاي توقتاتىلادى. ەلوردا تۇرعىندارى مەن قوناقتارى كەپتەلىسكە جول بەرمەۋ ءۇشىن ءوز قوزعالىسىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم وتىنەمىز جانە جوندەۋ جۇمىستارىنا تۇسىنىستىكپەن قاراۋدى سۇرايمىز» دەلىنگەن حابارلامادا.