عىلىم كوميتەتىنە جاڭا كادر كەلدى

عىلىم كوميتەتى توراعاسىنىڭ ورىنباسارى بولىپ كەڭەسوۆ بولات نۇرلان ۇلى تاعايىندالدى. وسىعان دەيىن ول ءال-فارابي اتىنداعى قازۇۋ فيزيكا-حيميالىق تالداۋ جانە زەرتتەۋ ورتالىعىنىڭ ديرەكتورى قازمەتىن اتقاردى.

كوميتەت توراعاسىنىڭ جاڭا ورىنباسارى – قازاق ۇلتتىق ۋنيۆەرسيتەتىنىڭ تۇلەگى. بولات نۇرلان ۇلى 2007 جىلى كانديداتتىق ديسسەرتاتسياسىن قورعادى, وعان 2012 جىلى قاۋىمداستىرىلعان پروفەسسور (دوتسەنت), ال 2017 جىلى پروفەسسور عىلىمي اتاعى بەرىلدى. Wageningen University (نيدەرلاند), Iowa State University (اقش), University of Barcelona (يسپانيا) جانە Gdansk University of Technology (پولشا) سىندى شەتەلدىك جوعارى وقۋ ورىندارىندا تاعىلىمدامادان وتكەن.

بولات كەڭەسوۆ – 100-دەن اسا عىلىمي جۇمىستىڭ اۆتورى, سونىڭ ىشىندە بەدەلدى حالىقارالىق عىلىمي جۋرنالداردا 26 ماقالاسى جارىق كورگەن. ولاردىڭ 13-ءى ءبىرىنشى كۆارتيل قاتارىنداعى بەدەلدى باسىلىمداردا جاريالانعان. حيرش يندەكسى بويىنشا كورسەتكىشتەرى – 11 (Web of Science) جانە 13 (Scopus).

بولات نۇرلان ۇلىنىڭ جەتەكشىلىگىمەن 1 كانديداتتىق جانە 5 Ph.D ديسسەرتاتسيالارى قورعالدى. ول – قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى سىيلىعىنىڭ لاۋرەاتى (2014 ج.),  ءبىلىم جانە عىلىم مينيسترلىگى جانىنداعى جاس عالىمدار كەڭەسىنىڭ (جعك) بەلدى مۇشەسى.