2018 جىلعى 11 ماۋسىمدا ماسقات قالاسىندا قوي قويىلعان «قازاقستان رەسپۋبليكاسىنىڭ ۇكىمەتى مەن ومان سۇلتاندىعىنىڭ ۇكىمەتى اراسىنداعى ديپلوماتيالىق, ارنايى جانە قىزمەتتىك پاسپورتتار يەلەرىن ۆيزالىق تالاپتاردان ءوزارا بوساتۋ تۋرالى كەلىسىم» 2020 جىلعى 23 ساۋىردە كۇشىنە ەندى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.
كەلىسىمنىڭ 2-بابىنا سايكەس, ءبىر تاراپ مەملەكەتىنىڭ جارامدى ديپلوماتيالىق, ارنايى جانە قىزمەتتىك پاسپورتتارىنىڭ يەلەرى ەكىنشى تاراپ مەملەكەتىنىڭ اۋماعىنا كىرگەن كۇننەن باستاپ كۇنتىزبەلىك 30 (وتىز) كۇننەن اسپايتىن مەرزىمگە ۆيزاسىز كىرە الادى, ودان شىعا الادى, ترانزيتپەن وتۋگە جانە وندا بولۋعا قۇقىلى.
«وسى كەلىسىمنىڭ كۇشىنە ەنۋى ەكى ەل اراسىنداعى ديپلوماتيالىق قاتىناستاردىڭ دامۋ تاريحىنداعى ماڭىزدى وقيعا بولىپ تابىلادى, سونداي-اق ءوزارا ءتيىمدى ەكىجاقتى ىنتىماقتاستىقتى ودان ءارى نىعايتۋ ءۇشىن قوسىمشا ىنتا بەرەدى» دەلىنگەن حابارلامادا.