الماتى قالاسىندا 25 ءساۋىر كۇنى كوروناۆيرۋس ينفەكتسياسىن جۇقتىرعانى انىقتالعاندار سانى 791 بولدى. سوڭعى تاۋلىكتە مەگاپوليستە 27 ادام جۇقتىرعان, ولاردىڭ بارلىعى بۇعان دەيىن اۋىرعاندارمەن قارىم-قاتىناستا بولعاندار, ياعني پروۆيزورلىق گوسپيتالداردا كارانتيندە جاتقاندار.
ولاردىڭ اراسىندا 13 ايەل ادام جانە 10 ەر ادام بار. سونداي-اق, جاڭادان انىقتالعانداردىڭ اراسىندا 2, 5 جانە 10 جاستاعى ءۇش ۇل مەن 4 جاستاعى قىز بالا بار.
ينفەكتسيانى جاڭادان جۇقتىرعان ناۋقاستاردىڭ ەڭ ۇلكەنى – 80 جاستا.
ينفەكتسيادان ساۋىعىپ شىققاندار سانى – 90, ونىڭ ىشىندە التاۋى بالا.
الماتى وبلىسىنان ءبىر ناۋقاستى قوسا ەسەپتەگەندە جۇقپالى اۋرۋلار ستاتسيونارلارىندا كوروناۆيرۋس ينفەكتسياسىنان ەمدەلىپ جاتقان 694 ناۋقاس بار.
ءبىر ناۋقاستىڭ جاعدايى وتە اۋىر بولسا, 23 ناۋقاستا اۋىر, 200 ادامنىڭ جاعدايى ورتاشا اۋىر بولسا, قالعاندارىندا – قاناعاتتانارلىق.
پروۆيزورلىق ورتالىقتاردا بارلىعى 485 ادام بار, ونىڭ ىشىندە 11-ءى بالا, كارانتيندىك وقشاۋلاۋدا 506 ادام وتىر, ال ءۇي كارانتينىندە 11128 ازامات بار.