كوممۋنالدىق تولەمدەر بويىنشا بايلانىس ورتالىعىنا 20 مىڭنان استام قوڭىراۋ تۇسكەن. الايدا ءوتىنىش بەرۋشىلەردىڭ باسىم كوپشىلىگى تولەمدەرىن قايتا قاراۋدى قاجەت ەتپەيتىن توپقا جاتادى.
الماتى قالاسى ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ باسشىسى اسەت ماساباەۆ 22 ساۋىردەن باستاپ قالادا كوممۋنالدىق قىزمەت كورسەتۋشىلەرگە شىعىنداردى وتەۋدىڭ بىرىڭعاي بايلانىس ورتالىعى اشىلعانىن اتاپ ءوتتى.
العاشقى كۇندەرى call-ورتالىقتا 17 ادام جۇمىس ىستەگەن. الايدا قوڭىراۋلاردىڭ كوپتەپ تۇسۋىنە بايلانىستى قىزمەتكەرلەردىڭ سانىن 40 ادامعا كوبەيتۋ قاجەتتىگى تۋىنداعان. ءۇش كۇن ىشىندە الماتىلىقتاردان 20 520 قوڭىراۋ قابىلدانعان.
«قازىرگى ۋاقىتتا 4 073 ءوتىنىش وڭدەلىپ, ونىڭ 2011-ءى ماقۇلداندى. قابىلدانباعان وتىنىشتەر بۇل وتەماقى الۋعا قۇقىعى بار ازاماتتار ساناتىنا كىرمەيدى. كەيبىر سەبەپتەرمەن, كوپتەگەن ادامدار بۇل وتەماقى بارلىق ازاماتتارعا تيەسىلى دەپ سانايدى. قر يدم ماقۇلداعان الەۋمەتتىك وسال توپتارعا جاتاتىن ادامدار عانا ءوتىنىش بەرە الادى», - دەدى اسەت ماساباەۆ.
الماتى