جاعدايى تومەن جانۇيالاردى جارىلقاۋ جالعاسادى. بۇل جولى الماتىدا بالاباقشا تاربيەشىلەرى ەرىكتىلەردىڭ قاتارىنا قوسىلدى. كارانتينگە بايلانىستى بوبەكجايدىڭ قىزمەتكەرلەرى بوس, مەكتەپكە دەيىنگى مەكەمەلەردىڭ جۇمىسى ۋاقىتشا توقتاپ تۇر.
ۋاقىتتى ءتيىمدى پايدالانعان الاتاۋ اۋدانى №37 بوبەكجاي-بالاباقشاسىنىڭ ۇجىمى ەرىكتىلەرمەن بىرگە جاعدايى تومەن وتباسىلارعا كومەكتەسۋگە شىقتى. تاربيەشىلەر تابىسىنان ايىرىلعان جانە جاعدايى ناشار 30 وتباسىنا كۇندەلىكتى تۇتىناتىن ازىق-ت ۇلىك پەن قورعانىش قۇرالدارىن تاراتتى.
«پرەزيدەنتىمىز قاسىم-جومارت توقاەۆ 2020 جىلدى «ەرىكتىلەر جىلى» دەپ جاريالاعانى ءمالىم. ەلىمىزدە توتەنشە جاعداي ورىن الۋىنا بايلانىستى الماتى قالاسى الاتاۋ اۋدانى كمقك «№37 بوبەكجاي-بالاباقشاسىنىڭ» ۇجىمى قاراپ جاتا المادى. ازىق-ت ۇلىك قوراپتارى مەن ماسكا ساتىپ الىپ تاراتتىق. ەلىمىزدىڭ باسىنا ءىس تۇسكەندە قولىمىزدان كەلگەنشە كومەك بەرەيىك, ءاردايىم بىرگە بولايىق دەپ شەشتىك», - دەدى اتالعان بالاباقشانىڭ مەڭگەرۋشىسى اينۇر الىمبەكوۆا.
جاس ۇرپاق تاربيەلەپ جاتقان ماماندار الماتىداعى وزگە ارىپتەستەرىن دە ەركىتىلەردىڭ قاتارىنا قوسىلاۋعا شاقىردى.
ال الماتى قالاسىندا 120 مەملەكەتتىك بالاباقشا بار.