كەشە, 23 ساۋىردە 15.15 كەزىندە الماتىدا بوستاندىق اۋدانىنىڭ تۇرعىنىنان ەرمەنساي شاعىن اۋدانىنان جوعارى, تاۋدىڭ باتىس باۋرايىندا قۇرعاق ءشوپ جانىپ جاتقانى تۋرالى حابارلاما كەلىپ تۇسكەن ەدى.
الماتى قالالىق تجد-نىڭ ارنايى جاساعى الدىن الا ازىرلەنگەن تابيعي ورتتەرگە قارسى تۇرۋعا جوسپارى بويىنشا جىبەرىلدى. جەلدى اۋا رايىنا بايلانىستى ساياجاي ۇيلەرى مەن الما باعىنا قاراي تارالۋ قاۋپى تۋىندادى (20 گا).
ءورت سوندىرۋشەلىرە بارىنشا ساياجاي القابىن قورعاۋعا ۇمتىلدى. بارلىق كۇش جۇمىلدىرىلىپ, ءورت 16 ساعات 32 مينۋتتا باسىلدى. بىراق, 0,8 گەكتار الاڭ ورتەنىپ كەتتى. ءتىلسىز جاۋدى تىزگىندەۋگە تجد-نەن 39 ادام جەكە قۇرام, 7 بىرلىك تەحنيكا جۇمىلدىرىلدى. قازىرگى ۋاقىتتا ءورتتىڭ قايتا تارالۋ قاۋپى جوق.
ءورتتىڭ شىعۋىنا كىنالى ادام– بوستاندىق اۋدانىنىڭ تۇرعىنى ەكەنى انىقتالدى. جەكە ۇيدە تۇراتىن 1977 جىلى تۋعان ازامات تاۋ بوكتەرىندەگى ءورتتىڭ شىعۋىنا كىنالى ەكەنى بەلگىلى بولدى. ول ءوز كىناسىن مويىندادى, 23 ساۋىردە جەكە ۋچاسكەسىندە قورشاۋ ورناتقانىن ءتۇسىندىردى. مەتالدى كەسۋ ءۇشىن ەلەكترلى «بولگاركا» قۇرىلعىنى قولدانعاندىقتان ۇشقىن قۇرعاق شوپتەرگە ءتۇسىپ, 0,8 گا جەردى جالماعان ءورتتىڭ شىعۋىنا سەبەپ بولعان. الايدا, ونىڭ تاراپىنان ەشقانداي شارا قابىلدانباعان! ءورت ءسوندىرۋ ءبولىمىن باسقا ادامدار شاقىرعان.
ءورت تەز ارادا ۇلكەن اۋماققا جايىلىپ, قاتتى سوققان جەلدەن جوعارى بەتكەيگە تارالىپ كەتەدى. كوك جالىننىڭ ساياباقتاعى ۇيلەر مەن 20 گا اۋماقتاعى الما باعىنا ءوتۋ قاۋپى تۋىندادى. ءورت سوندىرۋشىلەر ءورتتىڭ تارالۋىنا جول بەرمەي, جەدەل ارادا ءسوندىرىپ ۇلگەردى.
تج دەپارتامەنتىنىڭ قىزمەتكەرلەرىمەن كىنالى تۇلعا قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 410 بابىنىڭ 1 ءبولىمى بويىنشا اكىمشىلىك جاۋاپكەرشىلىككە تارتىلۋدا.