21 ءساۋىر كۇنى تاڭعى ساعات 05:30 شاماسىندا قىزىلوردا وبلىسى پوليتسيا دەپارتامەنتىنىڭ كەزەكشىسى وبلىس ورتالىعىنداعى كوپ قاباتتى ۇيلەر اۋلاسىن بەينەكامەرامەن شولۋ بارىسىندا ەكى اۆتوكولىكتى اينالىپ جۇرگەن ءبىر ازاماتتىڭ ءجۇرىسى كۇدىك تۋدىرادى. كەزەكشى دەر كەزىندە راتسياعا شىعىپ, وقيعا ورنىنا پاترۋل بەكەتتەرىن جىبەرەدى.
ءتارتىپ ساقشىلارىنىڭ جەدەل قيمىلداۋى ناتيجەسىندە اۆتوكولىكتەرگە ۇرلىققا ءتۇسىپ جاتقان كۇدىكتى 25 جاستاعى قىزىلوردا قالاسىنىڭ تۇرعىنى ۇستالىپ, قالالىق پوليتسيا باسقارماسىنا جەتكىزىلدى.
قازىرگى تاڭدا ورىن العان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 24-بابىنىڭ 3-بولىگىمەن جانە 188-بابىنىڭ 3-بولىگىنىڭ 3- تارماعىنا سايكەس سوتقا دەيىنگى تەرگەپ-تەكسەرۋ امالدارى جۇرگىزىلۋدە. وقيعانىڭ ءمان-جايلارى انىقتالۋدا.