پوليتسيا دەپارتامەنتى قىزمەتكەرلەرىنىڭ بالالار ۇيىنە جاساپ وتىرعان العاشقى كومەگى ەمەس. بوستاندىق اۋدانىندا ورنالاسقان №1 بالالار ءۇيى تاربيەلەنۋشىلەرىنىڭ اراسىندا بولاشاقتا ىشكى ىستەر ورگاندارىندا قىزمەت ەتكىسى كەلەتىندەر بار ەكەن.
وسى ورايدا الماتى قالالىق پوليتسيا دەپارتامەنتىنىڭ باستىعى, پوليتسيا پولكوۆنيگى قانات تايمەردەنوۆ «بالالار ءبىزدىڭ مۇراگەرلەرىمىز. ءجاسوسپىرىم كەزدەرىنىڭ وزىندە ناقتى ماقساتتار قويعانى وتە جاقسى. بۇگىن, ءبىز, قيىن ساتتەردە بالالاردى قولداۋعا كەلدىك. ولارعا سپورتتىق ساباقتار, ەكسكۋرسيالار, قۇقىقتىق ترەنينگتەر وتكىزۋدى جوسپارلاپ وتىرمىز جانە قاجەت بولعان جاعدايدا كومەكتەسەمىز», - دەپ اتاپ ءوتتى.
ال №1 بالالار ءۇيىنىڭ ديرەكتورى عاليا وماروۆا پوليتسياعا قولداۋ كورسەتكەندەرىنە العاسىن ءبىلدىرىپ, بالالار ۇيىندە بارلىق قاجەتتىلىكتەر بار ەكەنىن اتاپ ءوتتى. الايدا بالالاردىڭ جىلدام ەسەيۋى, فيزيكالىق تۇرعىدان دامۋى ءۇشىن قوسىمشا سپورتتىق جابدىقتار قاجەت. سوندىقتان دا بوستاندىق اۋدانىنىڭ پوليتسيا قىزمەتكەرلەرىنىڭ مۇنداي قامقورلىعىنا ريزامىز, دەدى.
الماتى