وڭتۇستىك استانانىڭ پوليتسيا قىزمەتكەرلەرى ءان شىرقاپ, قالا تۇرعىندارىنىڭ نازارىن اۋداردى.
«كوك تۋدىڭ جەلبىرەگەنى, قازاقتىڭ اسقاق بەدەلى» دەپ باستالعان ءان پوليتسيا قىزمەتكەرلەرىنىڭ كۇزەتتەگى باقىلاۋ-وتكىزۋ پۋنكتتەرىنەن, وپەراتسيالاردى باسقارۋ ورتالىعىنان, پاترۋلدەردەن جانە باسقا ۋچاسكەلەردەن شارتاراپقا تارادى. رەجىمنىڭ قاۋىرتتىعىنا قاراماستان, ءتارتىپ ساقشىلارى جۇمىس ۋاقىتىندا شىعارماشىلىق قۇلشىنىسپەن ءان ورىنداپ, تۇرعىنداردىڭ ىقىلاسىنا بولەندى.
الماتى پوليتسيا باسقارماسى باستىعىنىڭ ورىنباسارى پولكوۆنيك ابدۋالي ناشاربەكوۆ پوليتسيا قىزمەتكەرلەرىنىڭ ءان سالۋىن قيىن ساتتە وتانداستارعا قولداۋ كورسەتۋمەن قاتار كوتەرىڭكى كوڭىل-كۇي سىيلاي وتىرىپ, وسى ءان ارقىلى پاتريوتيزم مەن وتانعا دەگەن سۇيىسپەنشىلىكتى قالىپتاستىرۋدى ماقسات ەتتىك, دەگەن پىكىرىمەن ءبولىستى. قازىرگى كەزدە كارانتيندى ايماقتارعا بەس مىڭنان استام ءتارتىپ ساقشىلارى جۇمىلدىرىلعان.
الماتى