الماتى گارنيزونىنىڭ 2000-عا جۋىق اسكەري قىزمەتكەرلەرى پتر-تەست پەن كوروناۆيرۋستىق ينفەكتسياعا شۇعىل تەستىلەۋدەن ءوتتى. ولار دەزينفەكتسيالىق جۇمىستارعا, توسقاۋىل بەكەتتەرىندە كەزەكشىلىك اتقارۋعا, سونداي-اق پاترۋلدەۋگە قاتىسادى.
ءسəۋىر ايىنىڭ سوڭىنا دەيىن گارنيزون بويىنشا تاعى 1500 əسكەري قىزمەتشى اناليز تاپسىرادى.
قورعانىس مينيسترلىگى ءباسپاسوز قىزمەتىنىڭ دەرەگىنشە, كوروناۆيرۋستى انىقتايتىن پتسر-تەست (پوليمەرازدى تىزبەكتى رەاكتسيا ءادىسى) مۇرىننىڭ شىرىشتى قاباتىنان الىنعان جاعىندى نەگىزىندە جاسالادى. الىنعاننان كەيىن ناتيجە دنق جانە رنق كوروناۆيرۋس بولۋىنا بايلانىستى انىقتالادى. سونداي-اق, ول ۆيرۋس جۇقتىرعاننان كەيىن انىقتالادى. ەكسپرەسس-تەست ادىسىمەن تەكسەرۋ ءۇشىن ساۋساقتان قان الىنادى, ول كوروناۆيرۋسقا انتيدەنەلەردىڭ بولۋىنا زەرتتەلەدى.
اسكەري دارىگەرلەردىڭ ايتۋىنشا, ەكسپرەسس-تەستىلەر ينكۋباتسيالىق كەزەڭ كەزىندە ۆيرۋستىڭ بولۋىن انىقتامايدى, ال وڭ ناتيجە بولعان جاعدايدا قوسىمشا تەكسەرۋ تالاپ ەتىلەدى.
الماتى گارنيزونىنىڭ اسكەري قىزمەتشىلەرى توتەنشە جاعداي جانە كارانتين رەجيمىن قامتاماسىز ەتۋ بويىنشا ءىس-شارالارعا بەلسەندى قاتىسادى. اسكەري قىزمەتشىلەر الماتىنىڭ بارلىق اۋماعى بويىنشا پاترۋلدەۋدى جالعاستىرۋدا, سونداي-اق پوليتسيا جانە ۇلتتىق گۆارديا وكىلدەرىمەن بىرلەسىپ كۇن سايىن قالانىڭ كىرۋ جانە شىعۋ باعىتتارى بويىنشا توسقاۋىل بەكەتتەرىندە قىزمەت اتقارادى.