Huawei وسى جىلدىڭ ءبىرىنشى توقسانىنداعى بيزنەس ناتيجەلەرىن جاريالاپ, 182,2 ملرد يۋان تابىس تاپقاندىعىن مالىمدەدى. كومپانيا تابىسى وتكەن جىلمەن سالىستىرعاندا 1,4 پايىزعا كوبەيگەن.
كومپانيانىڭ تازا پايداسى 2020 جىلدىڭ ءبىرىنشى توقسانىندا 7,3% قۇرادى. بۇكىل الەمدە COVID-19دىڭ تارالۋىنا بايلانىستى, Huawei ءوز قىزمەتكەرلەرىنىڭ قاۋىپسىزدىگىن قامتاماسىز ەتۋ ءۇشىن الدىن-الا شارالار قولداندى. كومپانيا جانە ونىڭ جابدىقتاۋشىلار جەلىسى ءوندىرىستى, جۇمىس بارىسىن قالپىنا كەلتىرۋدىڭ الدىندا تۇرعان كۇردەلى مىندەتتەردى شەشۋ ءۇشىن بىرلەسىپ جۇمىس ىستەۋدە. Huawei - بيزنەسى ادەتتەگىدەي جالعاسىن تابۋدا. بيىلعى جىلدىڭ ناتيجەسى وسىنىڭ دالەلى.
بۇل دەنساۋلىق ساقتاۋ داعدارىسى كەزىندەگى كەز كەلگەن سالاداعى ادامدار ءۇشىن بايلانىس جەلىلىرىنىڭ ءمانى ەرەكشە. سوندىقتان جەلىنىڭ قالىپتى جۇمىسىن قامتاماسىز ەتۋ اسا ماڭىزدى. Huawei بايلانىس وپەراتورلارى ءۇشىن جەلىنىڭ تۇراقتى جانە قاۋىپسىز جۇمىسىن قامتاماسىز ەتۋ جولىندا قولدان كەلگەننىڭ ءبارىن جاساۋدا.
ادامداردىڭ كۇندەلىكتى قاجەتتىلىكتەرى ءۇشىن تەلەكوممۋنيكاتسيا, قاشىقتىقتان وقىتۋ جانە ەلەكتروندى كوممەرتسياعا اۋىسقان كەزدە الەۋمەتتىك قاشىقتىقتان تۋىنداعان جەلىلىك سۇرانىستى قاناعاتتاندىرۋ ءۇشىن جۇمىس ىستەپ جاتىرمىز. ىندەت باستالعاننان بەرى Huawei جانە ونىڭ سەرىكتەستەرى 5G- جانە AI-جاساندى ينتەللەكت كومەگىمەن جۇمىس ىستەيتىن كوپتەگەن مەديتسينالىق قوسىمشالاردى تەز ارادا ىسكە قوستى. كومپانيا كوممۋنيكاتسيالىق تەحنولوگيالار سالاسىنداعى تاجىريبەسىن پاندەميامەن كۇرەسۋگە جانە ادامداردىڭ ءومىرىن ساقتاپ قالۋعا قولدانامىز. جاساندى ينتەللەكت كومەگىمەن كوروناۆيرۋستى دياگنوستيكالاۋ شەشىمى كومپيۋتەرلىك توموگرافيانى تالداۋدى 12 مينۋتتان 2 مينۋتقا قىسقارتادى. بۇل دارىگەرلەرگە دياگنوستيكالىق تيىمدىلىكتى ارتتىرۋعا كومەكتەسەدى. 5G مۇمكىندىگى بار قاشىقتان بەينە-كەڭەس بەرۋ ماماندارىنىڭ جەتىسپەۋشىلىگىن ازايتۋعا كومەكتەسەدى جانە اۋىر جاعدايداعى ناۋقاستاردى دياگنوستيكالاۋ مەن ەمدەۋدىڭ تيىمدىلىگىن ارتتىرادى. جاساندى ينتەللەكت كومەگىمەن جۇمىس ىستەيتىن جىلۋ بەينەلەۋ قۇرىلعىلارى تەمپەراتۋرانى ولشەپ, قوعامدىق جەرلەردە ينفەكتسيانىڭ تارالۋىنىڭ الدىن-الۋ جانە باقىلاۋ تيىمدىلىگىن ارتتىرادى.