ساراپشىلار رەسەي ەلىندە اۆتوكولىكتى ساقتاندىرۋ سالاسىندا الاياقتىق ارەكەتتەردىڭ بيىلعى جىلى دا سانى ارتادى دەپ بولجاپ وتىر. ولاردىڭ پىكىرىنشە, Ugon دەپ اتالاتىن ساقتاندىرۋ سالاسىنداعى الاياقتىق اركەتتەر 30-35 پايىزعا ارتۋى مۇمكىن. 2019 جىلى ساقتاندىرۋ الاياقتىقتان كەلتىرىلگەن زالال 6 ميلليارد رۋبلدەن اسىپ, شاعىمداردىڭ شامامەن 20 پايىزى قىلمىستىق سيپاتقا يە بولعان. ال الاياقتىق جاعدايلاردىڭ 70 پايىزى تۇرمىستىق جاعدايلارمەن بايلانىستى بولىپ كەلەدى.
رەسەيلىك اۆتوساقتاندىرۋشىلار وداعى اتقارۋشى ديرەكتورىنىڭ ورىنباسارى سەرگەي ەفرەموۆ ادەتتە اۆتوكولىكتەر ۇرلىعى ليزينگتەگى كولىكتەرمەن بايلانىستى ەكەندىگىن العا تارتادى. الاياقتار ءبىر كۇندىك فيرمالار قۇرىپ, ليزينگكە كولىك راسىمدەگەننەن كەيىن ونى ۇرلاندى دەپ تاۋىپ, شەتەل اسىرىپ وتىرعان. ال كارانتين اياقتالعاننان كەيىن قوسالقى بولشەكتەرگە قاتىستى ۇرلىقتىڭ ءوسۋى مۇمكىن. قازىرگى كەزدە بانكتەر ليزينگ بويىنشا شارتتارىن, كومپانيالاردى تەكسەرۋدى كۇشەيتكەن. ناتيجەسىندە بۇرىن قولدانىستاعى كولىكتەردىڭ ۇرلىعى اشىلۋى مۇمكىن.
رەسەيدەگى الاياقتىقتىڭ تاعى ءبىر ءتۇرى تومەن باعادا پوليستەردى ساتۋ. الاياقتار ءپوليستى ماشيناعا ەمەس, موتوتسيكلگە راسىمدەپ, كوەففيتسەنتى تومەن ايماقتاردى تاڭدايدى. مۇنداي پوليستەر ارقىلى كولىكتى ەسەپكە قويۋدا نەمەسە جول-كولىك ينسپەكتورى تەكسەرگەن كەزدە ساقتاندىرۋ پوليسىنە بولا نازار اۋدارماۋى ەسكەرىلەدى. الايدا جول كولىك اپاتى ورىن العان جاعدايدا مۇنداي پوليستەر كولىك يەسىنە كومەكتەسە المايدى.
ساراپشىلار, ساقتاندىرۋ سالاسىنداعى الاياقتىقتىڭ الدىن الۋدا تەلەماتيكا قولدانۋ قاجەتتىگىن ايتادى. جول اپاتى ورىن العان جاعداي ساقتاندىرۋشى اپات تۋرالى تولىقتاي ەسكەرتپە الادى. ناتيجەسىندە ونىڭ بۇلتارۋعا مۇمكىندىگى بولمايدى. ازىرگە رەسەيدە تەلەماتيكالى كاسكو پوليستەرى 50 مىڭنان اسپايدى. ءدال قازىرگى جاعدايدا ونى وزگەرتۋگە مۇمكىندىك بار.