بۇل تۋرالى ماڭعىستاۋ وبلىستىق قوعامدىق كوممۋنيكاتسيا ورتالىعى حابارلادى.
ولار 73 جانە 21 جاستاعى اقتاۋ قالاسىنىڭ تۇرعىندارى. ءبىرى بۇگىن كۆي انىقتالعان 24 جاستاعى جىگىتتىڭ اجەسى, ەكىنشىسى قارىنداسى. قوس ناۋقاس كوروناۆيرۋستىق ينفەكتسيا جۇقتىرعان اداممەن قارىم-قاتىناستا بولۋىنا بايلانىستى كارانتيندىك ستاتسيونارعا جاتقىزىلىپ, زەرتحانالىق سىناما الىنعان. پتر دياگنوستيكالىق زەرتتەۋ ناتيجەلەرى بويىنشا COVID-19 دياگنوزى ناقتىلاندى. قازىرگى ۋاقىتتا ولار وبلىستىق جۇقپالى اۋرۋلار بولىمىنە ورنالاستىرىلدى, دەلىنگەن حابارلامادا.
اۋرۋ وشاقتارىندا دەزينفەكتسيالىق جۇمىستار جۇرگىزىلدى. ەپيدەمياعا قارسى ءىس-شارالار قولعا الىنعان. 22.04.2020 جىلعى جاعداي بويىنشا وڭىردە 18 ادامنىڭ COVID-19 ۆيرۋسىن جۇقتىرعانى انىقتالدى.
اقتاۋدا – 10, جاڭاوزەندە – 4, ماڭعىستاۋ اۋدانىندا – 4, جازىلىپ شىققانى - 4.
ماڭعىستاۋ وبلىسى