كورونوۆيرۋستى جۇقتىرىپ الۋ, كارانتين رەجىمىن بۇزۋ, ايىپپۇل تولەۋ, تىپتەن اۋرۋحانالاردان ناۋقاستاردىڭ جانايعايىن ەستۋ كوپتەگەن قالا تۇرعىندارى ءۇشىن قالىپتى جاعدايعا اينالعانداي...
قالاداعى ءتارتىپ ساقشىلارى ازاماتتاردىڭ دەنساۋلىعىنا الاڭداي وتىرىپ, كۇنى مەن ءتۇنى جۇمىس بارىسىندا ءجۇر. ولار تۇرعىنداردى تج ءتارتىبىن بۇزباۋعا شاقىرىپ الەك. وكىنىشكە قاراي, ەلدەگى احۋالعا قاراماستان, قاۋىپسىزدىك شارالارىن بۇزىپ, قۇقىقتىق تارتىپكە باعىنبايتىندار جەتكىلىكتى. وسى ورايدا ارنايى جانە ءموبيلدى وقىتۋ باسقارماسىنىڭ اعا ينسپەكتورى, پوليتسيا مايورى ەركەبۇلان كوربوزوۆ قالالىقتارعا «ۇيدە وتىرىپ كۇتەيىك» ولەڭىن ارناپ, تج ءتارتىبىن ساقتاۋدى وسىنداي ولەڭ جولدارىمەن جەتكىزدى.
«مەن قولىم بوستا شىعارعان ولەڭنىڭ كومەگىمەن ازاماتتاردىڭ ساناسىن وياتقىم كەلدى: جاعدايدىڭ قاۋىپتى ەكەنىن تۇسىنۋگە شاقىردىم. ولەڭ ءبىر ساعاتقا جۋىق ۋاقىتتا دۇنيەگە كەلدى. بۇگىندە پوليتسيا قىزمەتكەرلەرى كوزگە كورىنبەيتىن جاۋ – كوروناۆيرۋس ينفەكتسياسىنا قارسى كۇرەستە الدىڭعى قاتاردا. ءبىز قالادا ەنگىزىلگەن كارانتيندى ەلەمەۋ جانە سانيتارلىق-ەپيدەميولوگيالىق نورمالاردى ساقتاماۋ قانشالىقتى قاۋىپتى ەكەنىن تاجىريبەدەن بىلەمىز», - دەيدى پوليتسيا مايورى.
الماتى قالاسى ءىىد ءباسپاسوز قىزمەتىنىڭ مالىمەتىنشە, ە.كوربوزوۆ ىشكى ىستەر ورگاندارىندا 2007 جىلدان بەرى قىزمەت ەتىپ كەلەدى. العاشقى ماماندىعى – مۇعالىم. پوليتسيادا قىزمەت ەتكەنگە دەيىن 5 جىلداي جالپى ءبىلىم بەرەتىن مەكتەپتە قازاق ءتىلى مەن ادەبيەتى پانىنەن ساباق بەرگەن.
الماتى