كارانتين رەجيمىن بۇزعانى ءۇشىن قالادا 1 مىڭنان استام اۆتوكولىك ايىپپۇل تۇراعىنا جىبەرىلدى. قوسىمشا 4 ايىپپۇل تۇراعى اشىلدى. پوليتسيا قىزمەتكەرلەرى باقىلاۋدى كۇشەيتتى. ولار تاۋلىك بويى قالادا كەزەكشىلىك جۇمىستارىن اتقارىپ جاتىر. ءموبيلدى توپتار, جاياۋ ناريادتار جۇمىلدىرىلدى. وتكىزۋ-باقىلاۋ بەكەتتەرىندەگى جاعداي درون ارقىلى قاداعالانىپ جاتىر.
توتەنشە جاعداي رەجيمىن بۇزعانى ءۇشىن 2 700-دەن استام ازامات اكىمشىلىك جاۋاپكەرشىلىككە تارتىلدى. 200-گە جۋىق ادام قاماۋعا الىندى, 1800-دەن استام ادامعا ايىپپۇل سالىندى.
«كارانتين رەجيمى ءساۋىر ايىنىڭ سوڭىنا دەيىن ۇزارتىلدى. تارتىپبۇزۋشىلىق قاتاڭ جاۋاپكەرشىلىككە تارتىلادى. قالادا سەبەپسىز قاتىناعان تۇرعىنداردىڭ كولىگىن ايىپپۇل تۇراعىنا, ال ءىستى سوتقا جىبەرەمىز! پوليتسيا قىزمەتكەرلەرى اۋلالاردى دا تەكسەرىپ جاتىر. ادامدارعا كوشەدە جۇرۋگە قاتاڭ تىيىم سالىنادى. كوروناۆيرۋستى جۇقتىرۋ قاۋپى ءالى دە بار. ءوز ۋاقىتىڭىز بەن ءبىزدىڭ ۋاقىتىمىزدى زايا كەتىرمەڭىز. بارلىق شارالار ءسىزدىڭ جانە جاقىندارىڭىزدىڭ قاۋىپسىزدىگىن قامتاماسىز ەتۋ ءۇشىن قابىلداندى», - دەپ اتاپ ءوتتى قالالىق پوليتسيا دەپارتامەنتى.
ەستەرىڭىزگە سالا كەتەيىك, تۇرعىندارعا جاقىن ماڭداعى ازىق-ت ۇلىك دۇكەنىنە, دارىحاناعا, مەديتسينالىق قىزمەت الۋ ءۇشىن جانە قىزمەتى رۇقسات ەتىلگەن جاعدايدا جۇمىسقا بارۋ ءۇشىن ۇيدەن شىعۋعا رۇقسات.