بۇل تۋرالى ءبىلىم جانە عىلىم ۆيتسە-ءمينيسترى ميراس داۋلەنوۆ ونلاين-كونفەرەنتسيادا ايتتى. بۇعان دەيىن حابارلاعانىمىزداي, ەلىمىزدەگى جوعارى وقۋ ورىندارى 16 ناۋرىزدان باستاپ قاشىقتان وقىتۋعا كوشتى. وسىعان وراي مينيسترلىكتە بىرقاتار ۋنيۆەرسيتەتتەردىڭ رەكتورلارىمەن ديپلومدىق جۇمىستاردىڭ قورعالۋ جايى تالقىلاندى.
ءمينيستردىڭ ورىنباسارى ەگەر كارانتيندىك شەكتەۋلەر الىنباسا, وندا ديپلومدىق جۇمىستار قاشىقتان قورعالاتىنىن جەتكىزدى. ويتكەنى, ونىڭ ايتۋىنشا, ستۋدەنتتەر ديپلومدىق جۇمىستارىن اقپان-ناۋرىز ايلارىندا الدىن-الا قورعاعان بولاتىن. دەمەك, نەگىزگى جۇمىس اتقارىلدى. سوندىقتان ديپلومدىق جۇمىستاردى توتەنشە جاعدايدا قاشىقتان قابىلداۋعا ابدەن بولادى.