ەلدەگى توتەنشە جاعدايعا جانە ماڭعىستاۋ وبلىسىنىڭ اۋماعىندا ەنگىزىلگەن كارانتينگە بايلانىستى ءزىلزالالار قاۋىپ-قاتەرىن ازايتۋ جانە ازاماتتىق قورعاۋ سالاسىندا باقىلاۋ باسقارماسىمەن ءورت قاۋىپسىزدىگىن ساقتاۋعا جانە قامتاماسىز ەتۋگە باعىتتالعان بىرقاتار ءىس-شارالار جۇزەگە اسىرىلۋدا, دەپ حابارلادى ماڭعىستاۋ وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.
ەلدەگى جاعداي حالىققا ءورت قاۋىپسىزدىگىن ناسيحاتتاۋ مەن الدىن الۋدى قايتا قاراۋعا جانە جاڭالىقتاردى ەنگىزۋگە مۇمكىندىك بەردى.
سونىمەن زققاجانەاقسبب باستىعى نۇرجان بوراشەۆ ءبىلىم باسقارماسىمەن بىرگە بارلىق اتا-انالاردىڭ what'sapp چاتتارىنا ۇيدە ءورت جاعدايلارىن بولدىرماۋ جانە ءورت قاۋىپسىزدىگى شارالارىن ساقتاۋ تۋرالى اۋديوجازباسى بار جادنامانى تاراتۋ ماسەلەسىن پىسىقتادى. قازىرگى تاڭدا اتالعان اۋديوجازباسى بار جادنامامەن 50 مىڭنان استام اتا-انا قامتىلدى. چاتتاردا ءورت قاۋىپسىزدىگى شارالارىن تاراتۋ جانە ءبىلىم باسقارماسىمەن ءوزارا ءىس-قيمىل وبلىس بويىنشا بارلىق توپتاردىڭ چاتتارىن قامتۋعا مۇمكىندىك بەردى.
جاڭالىقتاردىڭ ءبىرى تج دەپارتامەنتىنىڭ الەۋمەتتىك جەلىلەردىڭ كوپتەگەن جازىلۋشىلارى بار جەرگىلىكتى بلوگەرلەرىمەن ءوزارا ءىس-قيمىلى بولدى. ورتكە قارسى تاقىرىپتا جانە بالالاردىڭ تەرەزەدەن قۇلاۋ جاعدايلارىنىڭ الدىن الۋ بويىنشا وبلىستا 100 مىڭنان استام ادامنىڭ قاراۋىن قامتىعان ۆيدەوروليك ازىرلەندى.
بۇدان باسقا, باسقارما بولىمشەلەر اراسىندا «بولىمشەلەردىڭ ۇزدىك روليگى» چەللەندجىنە باستاماشىلىق جاسادى جانە وسى باعىتتاعى جۇمىستار جالعاسۋدا.
ماڭعىستاۋ وبلىسى