پويىز جولاۋشىلارى الداعى ۋاقىتتا بيومەتريالىق سايكەستەندىرۋدەن وتەتىن بولادى.
جوبانى ىسكە اسىرۋ بارىسىنا توقتالعان «ادال جول» جوبالىق كەڭسەنىڭ باسشىسى ي.مايشەكين تۇلعانى سايكەستەندىرۋدىڭ جاڭا تەحنولوگياسى Digital ID قوسىمشاسى ارقىلى بيلەت ساتىپ الۋعا مۇمكىندىك بەرەتىندىگىن جەتكىزدى. بيلەتتى ساتىپ العان كەزدە Digital ID قوسىمشاسى ارقىلى تۇلعا سايكەستەندىرىلەدى ءارى تسيفرلىق ID كارتا جاسالادى. كارتانى بيلەت ساتىپ الۋ كەزىندە قولدانىلادى.
قازىرگى كەزدە تۇلعانى سايكەستەندىرۋ تەحنولوگياسى ارقىلى بيلەت ساتىپ العان جولاۋشىلاردى تەكسەرۋدىڭ ءۇش نۇسقاسى قاراستىرىلۋدا.
ياعني, بىرىنشىدەن, جولاۋشىلاردىڭ تۇلعاسىن سايكەستەندىرۋ قوسىمشاسى جۇكتەلگەن سمارتفوننىڭ كومەگى ارقىلى تەكسەرۋ; ەكىنشىدەن, جولاۋشىلاردىڭ تۇلعاسىن سايكەستەندىرەتىن كامەرالار ۆوكزالعا, ياعني, پەررونعا شىعاتىن جەردە, ال ۇشىنشىدەن, كامەرالار ۆاگونداردا ورناتىلادى. ەلىمىزدە توتەنشە جاعداي رەجيمىنىڭ جاريالانۋىنا بايلانىستى ناۋرىزدا جۇزەگە اسۋى ءتيىستى جوبا كەيىنگە شەگەرىلىپ وتىر. قازىرگى ۋاقىتتا «قازاقستان تەمىر جولى» كومپانياسى «الماتى-اتىراۋ» باعىتىنداعى جەكە پويىزدى ءبولىپ بەرگەندىكتەن, جوبا وسى باعىتتا 2-3 اي بويى سىنالادى. ونىڭ بارىسىندا جوبانىڭ كەم-كەتىك تۇستارىن انىقتالىپ, تولىقتىرىلاتىن بولادى.
الماتى