الماتى قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ 12-سىنىپ وقۋشىسى اينۇر الكەەۆا «biomedical engineering» ماماندىعى بويىنشا Norwich University-ءدىڭ (اقش) ءبىلىم گرانتىنا يە بولدى.
تۇلەك جىل سايىن الەمنىڭ ۇزدىك 25 تالاپكەرىن عانا قابىلدايتىن «Honors Program» بەدەلدى ۋنيۆەرسيتەتتىك باعدارلاماسىنا تاپسىرعان. سونداي-اق, اينۇر الكەەۆا Purdue University, The University of Arizona, University of Houston, Fisher College جانە Whitworth University سياقتى امەريكانىڭ 5 جوعارى وقۋ ورنىنان شاقىرتۋ الىپ وتىر.
اينۇر الكەەۆا قازاقستاندىق ستۋدەنتتەر اراسىنداعى پىكىر-سايىس تۋرنيرلەرىنىڭ بىرنەشە دۇركىن ءفيناليسى, «Technovation» بايقاۋىنىڭ رەسپۋبليكالىق كەزەڭىنىڭ جەڭىمپازى, سونداي-اق, «Hackathon» بايقاۋى مەن يۋنەسكو كلۋبى كونفەرەنتسيالارىنىڭ قاتىسۋشىسى. قازاقستان بۇۇ-دا ۆولونتەرلىك قىزمەتپەن اينالىسادى. تۇلەك, سونداي-اق, مەكتەپتىڭ ءوزىن-ءوزى باسقارۋ جۇيەسىنىڭ مۇشەسى, «NIS Paper» مەكتەپ گازەتىنىڭ اۆتورى جانە «Exponenta Magazine» جۋرنالىنىڭ نەگىزىن قالاۋشىلاردىڭ ءبىرى.
الماتى