الماتى قالاسى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ 12-سىنىپ وقۋشىسى اياجان ءاليحان الەمدىك 8 ۋنيۆەرسيتەتتەن شاقىرتۋ الدى. قازاقستاننىڭ ۇزدىك وقۋشىسىنا بىردەن ۇسىنىس جولداعان الەمنىڭ 100 الەمدىك ۇزدىك ۋنيۆەرسيتەتتەرىنىڭ قاتارىندا Northwestern University (Doha, Qatar), Yonsei University (Seoul, SK), Yale-NUS College (Singapore), Koc University (Istanbul, TR), Fordham University (NY), Pace University (NY), Northwestern University (Chicago, IL), University of Miami (Miami, FL) بار. تىزىمدەگى جوعارى وقۋ ورنىندارىنىڭ تورتەۋى تولىق گرانت, قالعانى جارتىلاي گرانت ۇسىنىپ وتىر.
اياجان ءاليحان مەكتەپتە جوبالىق جۇمىسپەن اينالىسادى. مەديتسينا مەن ەكولوگيادان وتكەن رەسپۋبليكالىق كونكۋرستاردىڭ, سانكت-پەتەربور پەن پاريجدە وتكەن حالىقارالىق كونفەرەنتسيالاردىڭ جۇلدەگەرى. «Youth for Understanding» امەريكالىق كوممەرتسيالىق ەمەس ۇيىمىندا تاعىلىمدامادان وتكەن. «ەnvision Scholars» تانىمال جازعى الماسۋ باعدارلاماسىنىڭ قاتىسۋشىسى. اكادەميالىق جەتىستىكتەرى ءۇشىن مەكتەپ اتىنان 2018 جىلى كولۋمبيا ۋنيۆەرسيتەتىنىڭ جازعى باعدارلاماسىنا دا ۇسىنىلعان.
اياجان ءاليحان مەكتەپتىڭ جانە الماتى قالاسىنىڭ قوعامدىق ومىرىنە دە بەلسەنە ارالاسادى. بۇۇ مودەلى كلۋبىنىڭ (MUN club) نەگىزىن قالاۋشىلاردىڭ ءبىرى. «ەرىكتىلەر ليگاسى» مەن «Recycle Birge» الەۋمەتتىك قوعامدىق قوزعالىسىندا ۆولونتەرلىك تاجىريبەسى بار. سونداي-اق, «International Global Network» جاستاردى دامىتۋ ۇيىمىنىڭ بەلسەندى مۇشەسى رەتىندە مالايزيانىڭ استاناسى كۋالا-لۋمپۋر مەن گەرمانيانىڭ نيۋرنبەرگ قالاسىندا وتكەن حالىقارالىق كونفەرەنتسيالارعا قاتىسۋعا مۇمكىندىك العان.
الماتى