وتكەن تاۋلىكتە قىزىلوردادا ۆيرۋسقا شالدىققاندار قاتارىنا تاعى 2 ادام قوسىلىپ, ناۋقاستار سانى 151-گە جەتتى. بۇل تۋرالى بۇگىن وڭىرلىك كوممۋنيكاتسيالار قىزمەتىندە وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدىسامەتوۆ حابارلاپ, جاڭادان انىقتالعاندار جايلى كەڭىنەن مالىمەت بەردى.
-بۇل ەكى ناۋقاس قىزىلوردا قالاسى مەن سىرداريا اۋدانىنداعى امانكەلدى اۋىلىنان تىركەلىپ وتىر. قالالىق تۇرعىننان ءدارى-دارمەككە اللەرگيا بەرىپ, «جەدەل جاردەممەن» اۋرۋحاناعا جەتكىزىلگەن سوڭ انىقتالعان, ال اۋىلداعى ناۋقاس سونداعى دارىگەرلىك امبۋلاتوريانىڭ تەحنيكالىق قىزمەتكەرى بولىپ شىقتى. قازىر ەكەۋى دە اۋرۋحاناعا جاتقىزىلىپ, ولارمەن بايلانىستا بولعاندار وقشاۋلاندى, دەدى وبلىستىڭ باس دارىگەرى.
باسقارما باسشىسىنىڭ ايتۋىنشا وتكەن تاۋلىكتىڭ وزىندە 939 تۇرعىننان تەست سىناماسى الىنىپ, ونىڭ 361-ءى تەرىس ناتيجە كورسەتكەن. ەكى ادامنان ۆيرۋس تابىلسا, قالعان 576 تەست زەرتتەلۋدە.
جاقسىلىق ابىلقاسىم ۇلى قازىر اۋرۋدى ەرتە انىقتاۋ ءۇشىن پنەۆمونيا مەن جەدەل رەسپيراتورلى ۆيرۋستىق ينفەكتسيامەن تۇسكەن ناۋقاستار ءجىتى تەكسەرىلىپ جاتقانىن دا ايتىپ ءوتتى.