قازاقستاندىق ستارتاپ ەلدەگى توتەنشە جاعداي كەزىندە الاياقتىقتىڭ الدىن الۋ قىزمەتىن ۇسىنادى. پاندەميا كەزىندە شاعىن جانە ورتا بيزنەس 2000-نان استام كومپانيالاردى سەنىمدىلىككە تەكسەرگەن.
Kompra – قازاقستاندىق ستارتاپ. سەرىكتەستەر مەن مەردىگەرلەردىڭ سەنىمدىلىگىن باقىلايتىن كومپانيا. قازاقستان جانە رەسەيدىڭ زاڭدى ءارى جەكە تۇلعالارى تۋرالى دەرەكتەردى دە جىلدام تەكسەرۋگە مۇمكىندىك بەرەدى. Kompra ارقىلى 79-دان استام ينديكاتورلار بويىنشا قارىزدار, سوتتىلىعى, كومپانيانىڭ مارتەبەسى جانە باسشىلارى تۋرالى اقپارات بىلۋگە بولادى. ستارتاپ باعدارلاماسى تەحنولوگيالىق پاركتىڭ رەسمي مۇشەسى بولىپ تابىلاتىن Astana Hub حالىقارالىق IT-ستارتاپتار تەحنوپاركىندە جەدەلدەتىلگەن.
Kompra كونتراگەنتىنىڭ تەكسەرۋ قىزمەتى ەلدە توتەنشە جاعدايدى ەنگىزۋ كەزەڭىندە اعىمداعى جىلدىڭ 17 ناۋرىزىنان 1 مامىرىنا دەيىن اقىسىز «مونيتورينگ» جانە «تەڭگەرىمدى 2-گە كوبەيت» ناۋقانىن باستادى. كومپانيا وكىلدەرىنىڭ ايتۋىنشا, ءدال وسى كەزدە تاسىمالداۋ قىزمەتى مەن سەرىكتەستەردىڭ سەنىمدى ەكەندىگىنە كوز جەتكىزۋ اسا ماڭىزدى.
Kompra نەگىزگى كليەنتتەرى – ءىرى كومپانيالار, بانكتەر, كۆازيمەملەكەتتىك قۇرىلىمدار. ء«بىز ولارعا جاڭا مونيتورينگ قىزمەتىن ءبىر اي بويى تەگىن پايدالانۋعا مۇمكىندىك بەردىك. مونيتورينگتىڭ كومەگىمەن پايدالانۋشىلار كومپانيالاردىڭ وزگەرىستەرى - مارتەبەسى, تىركەۋ دەرەكتەرى, قاۋىپ فاكتورلارى تۋرالى تەز ارادا حاباردار بولا الادى. اكتسيا اياقتالعانشا ارالىق ناتيجەلەردى شىعارامىز. مونيتورينگ بارلىق تاپسىرىس بەرۋشىلەردىڭ سۇرانىسى بويىنشا جۇرگىزىلدى. 17 ناۋرىزدان 20 ساۋىرگە دەيىن شوب ءۇشىن قىزمەت بويىنشا جالپى سوماسى 600 مىڭ تەڭگەگە 260 ترانزاكتسيا جاسالدى. ءبىز ءىس جۇزىندە 1,2 ميلليون تەڭگە كولەمىندە قىزمەت كورسەتتىك: بىراق ءبىزدىڭ كليەنتتەر از شىعىن تولەدى», - دەيدى رينات يليۋباەۆ.
«تەڭگەرىمدى 2-گە كوبەيت» اكتسياسى ارنايى شوب وكىلدەرىنە, بۋحگالتەرلەرگە جانە ادۆوكاتتارعا باعىتتالعان. قىزمەتتى جەكە پايدالاناتىنداردىڭ بارلىعى 17 ناۋرىزدان 1 مامىرعا دەيىن كەز كەلگەن تولتىرۋدىڭ مولشەرى اۆتوماتتى تۇردە 2 ەسە ارتادى. بۇل سىزگە مەردىگەرلەردى تەكسەرۋدەن ۇنەمدەۋگە جانە جەتكىزۋشىلەر مەن سەرىكتەستەردىڭ كوپشىلىگىنىڭ سەنىمدىلىگىن باعالاۋعا مۇمكىندىك بەرەدى.
وسىدان 2 جىل بۇرىن ىسكە قوسىلعان «اتامەكەن» ۇكپ-مەن «كومپرا» اقىسىز تەكسەرۋ قىزمەتىن كۇنىنە ەكى رەت پايدالانۋعا بولادى. سونداي-اق, ەسەپشىلەر مەن Halyk Bank تولەم جۇيەسىنىڭ پايدالانۋشىلارى ءۇشىن اقىسىز تەكسەرۋ قولجەتىمدى. سونىمەن قاتار, كومپرا جۋرناليستەرگە دە بۇل قىزمەتتى اقىسىز ۇسىنادى.
توتەنشە جاعداي كەزىندە قازاقستاندىق كومپانيا ونلاين رەجيمگە ءوتىپ, ۆەبينارلار وتكىزۋدى باستادى. كوپتەگەن كومپانيالاردىڭ قاشىقتان جۇمىس فورماتىنا كوشۋ كەزىنە بايلانىستى كومپرا ءوز كليەنتتەرىنە ماستەر-كلاستار مەن ءبىلىم بەرۋ شارالارىن وتكىزىپ كەلەدى.